میں گُن جو عشق کے گانے لگا ہوں — زین شکیل
شاعر
میں گُن جو عشق کے گانے لگا ہوں
میں گُن جو عشق کے گانے لگا ہوں
جنوں کا فیض اب پانے لگا ہوں
بڑا مضبوط ہوں اندر سے لیکن
تمہیں دیکھا تو گھبرانے لگا ہوں
کسی کی یاد کے گھنگرو پہن کر
ابھی میں رقص فرمانے لگا ہوں
مجھے محسوس ہوتا جا رہا ہے
تمہیں تھوڑا سا یاد آنے لگا ہوں
ارے! اتنے خفا کیوں ہو رہے ہو
ابھی آیا تھا ، بس جانے لگا ہوں
پرے ہٹ جا غمِ دنیا کہ اب میں
مکمل طیش میں آنے لگا ہوں
کسی روٹھے ہوئے کو پھر منانے
میں خود سے روٹھ کر جانے لگا ہوں
مجھے کیوں چھوڑ کر جاتے نہیں ہو؟
تمہیں، لگتا ہے راس آنے لگا ہوں!
غمو ں! آؤ سواگت کے لیے سب
یہاں میں خود کو بلوانے لگا ہوں
سمجھ سے ماورا ہے عشق و الفت
یہی میں خود کو سمجھانے لگا ہوں
نگاہیں عرش کی جانب لگی ہیں
زمیں کو وجد میں لانے لگا ہوں
Main gun jo ishq ke gaane laga hoon
Main gun jo ishq ke gaane laga hoon
Junoon ka faiz ab paane laga hoon
Bada mazboot hoon andar se lekin
Tumhein dekha toh ghabrane laga hoon
Kisi ki yaad ke ghunghroo pehan kar
Abhi main raqs farmane laga hoon
Mujhe mehsoos hota jaa raha hai
Tumhein thoda sa yaad aane laga hoon
Arey! Itne khafa kyun ho rahe ho
Abhi aaya tha, bas jaane laga hoon
Pare hat ja gham-e-duniya ke ab main
Mukammal taish mein aane laga hoon
Kisi roothe hue ko phir manane
Main khud se rooth kar jaane laga hoon
Mujhe kyun chhod kar jaate nahin ho?
Tumhein, lagta hai raas aane laga hoon!
Ghamon! Aao! Sughaat ke liye sab
Yahan main khud ko bulwane laga hoon
Samajh se mawara hai ishq o ulfat
Yehi main khud ko samjhane laga hoon
Nigāhein arsh ki janib lagi hain
Zameen ko wajood mein laane laga hoon
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں