میں کہ پھر روئے بنا رات نہیں کرتا ناں! — زین شکیل
شاعر
میں کہ پھر روئے بنا رات نہیں کرتا ناں!
میں کہ پھر روئے بنا رات نہیں کرتا ناں!
جب کوئی مجھ سے تری بات نہیں کرتا ناں!
میں اسے اس لئے ہر بات بتا دیتا ہوں
آئینہ مجھ سے سوالات نہیں کرتا ناں!
اس لیے اس کے سبھی جھوٹ بھی سچ مانے ہیں
وہ بنا روئے کوئی بات نہیں کرتا ناں!
پارسائی پہ مری اس لیے شک ہے اس کو
برملا میں جو کرامات نہیں کرتا ناں!
آپ بھی ویسے ہی پامال کیا مت کیجے
جیسے میں آپ کے جذبات نہیں کرتا ناں!
اتنے لوگوں میں مجھے یوں نہ دکھاؤ آنکھیں
اچھا بابا میں کوئی بات نہیں کرتا ناں!
main ke phir roye bina raat nahin karta naan!
main ke phir roye bina raat nahin karta naan!
jab koi mujh se teri baat nahin karta naan!
main use is liye har baat bata deta hun
aaina mujh se sawalaat nahin karta naan!
is liye us ke sabhi jhoot bhi sach maane hain
woh bina roye koi baat nahin karta naan!
parsai pe meri is liye shak hai us ko
barmala main jo karamaat nahin karta naan!
aap bhi waise hi pamaal kiya mat kijiye
jaise main aap ke jazbaat nahin karta naan!
itne logon mein mujhe yun na dikhao aankhen
achha baba main koi baat nahin karta naan!
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں