مرے پہلو میں رہ کر بھی کہیں رُوپوش ہو جانا — زین شکیل
شاعر
مرے پہلو میں رہ کر بھی کہیں رُوپوش ہو جانا
مرے پہلو میں رہ کر بھی کہیں رُوپوش ہو جانا
مجھے یوں دیکھنا اور دیکھ کر خاموش ہو جانا
قسم ہے چشمِ ذیبا کی مجھے بھولے نہیں بھولا
تجھے کلیوں کا ایسے دیکھ کر مدہوش ہو جانا
تجھے یہ شہر والے پھر مرے بارے میں پوچھیں گے
نظر سے مسکرانا اور پھر خاموش ہو جانا
زمانہ سانس بھی لینے نہیں دیتا ہمیں لیکن
ہمارے واسطے تم چین کی آغوش ہو جانا
نہ مجھ میں وصفِ موسیٰ تھے نہ میں محوِ تکلم تھا
مرا بنتا نہیں تھا اس طرح بے ہوش ہو جانا
مرے زخموں مرے نالوں کا اکلوتا محافظ ہے
مرے شانوں پہ تیرے ہجر کا بَردوش ہو جانا
سو اب اس نازنیں کی عادتوں میں یہ بھی شامل ہے
چمن میں رات کر لینا، وہیں گُل پوش ہو جانا
Mere pehlu mein rah kar bhi kahin rooposh ho jana
Mere pehlu mein rah kar bhi kahin rooposh ho jana
Mujhe yun dekhna aur dekh kar khamosh ho jana
Qasam hai chashm-e-zeba ki mujhe bhoole nahin bhoola
Tujhe kaliyon ka aise dekh kar madhosh ho jana
Tujhe yeh shahar wale phir mere baare mein poochenge
Nazar se muskurana aur phir khamosh ho jana
Zamana saans bhi lene nahin deta humein lekin
Hamare waste tum chain ki aaghosh ho jana
Na mujh mein wasf-e-moosa the na main mahw-e-takallum tha
Mera banta nahin tha is tarah behosh ho jana
Mere zakhmon mere nalon ka eklauta muhāfiz hai
Mere shanon pe tere hijr ka bardosh ho jana
So ab is nazneen ki aadaton mein yeh bhi shamil hai
Chaman mein raat kar lena, wahin gulposh ho jana
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں