مرے وجود سے تیرا خمار ڈرتا ہے — زین شکیل
شاعر
مرے وجود سے تیرا خمار ڈرتا ہے
مرے وجود سے تیرا خمار ڈرتا ہے
کہ مجھ سے اب بھی ترا انتظار ڈرتا ہے
میں نوچ لوں نہ کہیں اس کے جسم سے خود کو
وہ کر رہا ہی نہیں اعتبار، ڈرتا ہے
میں کونے کونے پہ وحشت سجایا کرتا ہوں
سو مجھ سے شہر ترا بار بار ڈرتا ہے
غموں نے جب سے چنا ہے مجھے سدا کے لیے
قریب آتے ہوئے غمگسار ڈرتا ہے
راہِ وفا کا یہ دستور ہے اگر اس پر
جو ایک بار ڈرا بار بار ڈرتا ہے
یہی کہا تھا مرا ہاتھ تھام لے پاگل
یہ تجھ سے ہو نہ سکا چھوڑ یار ڈرتا ہے
Mere wajood se tera khumar darta hai
Mere wajood se tera khumar darta hai
Ke mujh se ab bhi tera intizar darta hai
Mein noch loon na kaheen us ke jism se khud ko
Woh kar raha hi nahin aitibar, darta hai
Mein kone kone pe wahshat sajaya karta hoon
So mujh se shahar tera baar baar darta hai
Ghamon ne jab se chuna hai mujhe sada ke liye
Qareeb aate hue ghamgusaar darta hai
Raah-e-wafa ka ye dastoor hai agar is par
Jo ek baar dara baar baar darta hai
Yehi kaha tha mera haath thaam le pagal
Ye tujh se ho na saka chhod yaar darta hai
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں