پھیلی ہے جو آنکھوں میں وہ لالی تو نہیں ہے — زین شکیل
شاعر
پھیلی ہے جو آنکھوں میں وہ لالی تو نہیں ہے
پھیلی ہے جو آنکھوں میں وہ لالی تو نہیں ہے
موجود ہے تُو دل میں خیالی تو نہیں ہے
تعویز محبت سے بچاؤ کا بھلا کیوں؟
میں نے یہ مصیبت کبھی پالی تو نہیں ہے
دل تیرے تبسم کا طلبگار رہا ہے
ورنہ وہ کسی در کا سوالی تو نہیں ہے
میں خاص سے لوگوں میں بڑا عام ہوں لیکن
توخوب سہی اتنا مثالی تو نہیں ہے
چاہا ہے مجھے اُس نے محبت سے بھی زیادہ
کیا یہ بھی مری خام خیالی تو نہیں ہے؟
واقف ہوں فقط میں ہی نگاہوں کے ہنر سے
یہ بات کہیں تو نے اچھالی تو نہیں ہے؟
میں نے تو ترے خط بھی جلائے نہیں اب تک
تو نے بھی کوئی یاد سنبھالی تو نہیں ہے؟
شاید تری دستک سے ہی کھل جائے کوئی دَر
اب زینؔ یہاں گھر کوئی خالی تو نہیں ہے
Phaili hai jo aankhon mein wo laali to nahin hai
Phaili hai jo aankhon mein wo laali to nahin hai
Maujood hai tu dil mein khayali to nahin hai
Taawiz mohabbat se bachao ka bhala kyun?
Main ne ye museebat kabhi paali to nahin hai
Dil tere tabassum ka talabgar raha hai
Warna wo kisi dar ka sawali to nahin hai
Main khaas se logon mein bada aam hoon lekin
Tu khoob sahi itna misali to nahin hai
Chaha hai mujhe us ne mohabbat se bhi zyada
Kya ye bhi meri khaam khayali to nahin hai?
Waqif hoon faqat main hi nigahon ke hunar se
Ye baat kahin tu ne uchhaali to nahin hai?
Main ne to tere khat bhi jalaye nahin ab tak
Tu ne bhi koi yaad sambhali to nahin hai?
Shayad teri dastak se hi khul jaaye koi dar
Ab Zain, yahan ghar koi khaali to nahin hai
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں