پھٹے ہوئے لباس سے تو شخصیت نہ تولیے — زین شکیل
شاعر
پھٹے ہوئے لباس سے تو شخصیت نہ تولیے
پھٹے ہوئے لباس سے تو شخصیت نہ تولیے
خدا کا خوف کھائیے ، نہ بد کسی کو بولیے
کوئی دلیل معتبر نہیں ہے عشق سامنے
محبتوں کی جھیل میں یوں زہر تو نہ گھولیے
اداس ہے نظر تو روح میں بھی اک فشار ہے
اجڑ چکے بہت ہمیں مزید تو نہ رولیے
ہے جسم و جاں کو ڈس رہا یہ سلسلہ سکوت کا
حضور آپ چپ کھڑے ہیں کیوں؟ لبوں کو کھولیے!
یہ کیا کہ رقصِ خامشی رہے ہمارے چارسُو
ذرا سماعتوں میں رَس محبتوں کے گھولیے
جو ڈس گئے، تو اب یہ اپنے آپ پر ملال ہے
کہ پالتے رہے تھے آستیں میں ہم سپولیے
دھیان اس کا اور ہی طرف تھا پھر بھی جانے کیوں
وہ مجھ سے کہہ رہی تھی، جی میں سن رہی ہوں بولیے
Phate hue libaas se to shakhsiyat na toliye
Phate hue libaas se to shakhsiyat na toliye
Khuda ka khauf khaiye, na bad kisi ko boliye
Koi daleel mo'tabar nahin hai ishq saamne
Mohabbaton ki jheel mein yun zeher to na gholiye
Udaas hai nazar to rooh mein bhi ek fashaar hai
Ujad chuke bahut hamein mazeed to na roliye
Hai jism o jaan ko das raha yeh silsila sukoon ka
Hazoor aap chup khade hain kyun? Labon ko kholiye!
Yeh kya ke raqs-e-khamoshi rahe hamare char soo
Zara samaaton mein ras mohabbaton ke gholiye
Jo das gaye, to ab yeh apne aap par malal hai
Ke paalte rahe the aasteen mein hum sapoliye
Dhyan us ka aur hi taraf tha phir bhi jaane kyun
Woh mujh se keh rahi thi, ji mein sun rahi hoon boliye
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں