پھر آنکھوں نے خواب سجایا ہو گا ناں — زین شکیل
شاعر
پھر آنکھوں نے خواب سجایا ہو گا ناں
پھر آنکھوں نے خواب سجایا ہو گا ناں
پھر وحشت نے شور مچایا ہو گا ناں
میرے آنسو پھیل گئے ہیں آنکھوں میں
اُس نے میرا سوگ منایا ہوا گا ناں
تُو نے بھی تو شہر میں بسنے کی خاطر
کیسا کیسا ڈھونگ رچایا ہو گا ناں
میں جو اتنے پاس سے تجھ کو دیکھوں گا
تو بھی کتنی دور سے آیا ہو گا ناں
یہ جو آدھی رات کو تارے روئے ہیں
پھر بادل نے چاند چرایا ہو گا ناں
آجا میری نیند کہیں سے آ بھی جا
وہ ملنے کو خواب میں آیا ہو گا ناں
میں تو بس یہ سوچ کے گھر سے نکلا ہوں
اس نےمجھ کو آج بلایا ہو گا ناں
جن پیڑوں کے سوکھ گئے ہیں پھل ، ان کو
اُس نے میرا حال سنایا ہو گا ناں
Phir aankhon ne khwab sajaya hoga naan
Phir aankhon ne khwab sajaya hoga naan
Phir wahshat ne shor machaya hoga naan
Mere aansu phail gaye hain aankhon mein
Us ne mera sog manaya hoga naan
Tu ne bhi toh shahar mein basne ki khatir
Kaisa kaisa dhong rachaya hoga naan
Main jo itne paas se tujh ko dekhoon ga
Tu bhi kitni door se aaya hoga naan
Yeh jo aadhi raat ko taare roye hain
Phir badal ne chand churaya hoga naan
Aaja meri neend kahin se aa bhi ja
Woh milne ko khwab mein aaya hoga naan
Main toh bas yeh soch ke ghar se nikla hoon
Us ne mujh ko aaj bulaya hoga naan
Jin pedon ke sookh gaye hain phal, un ko
Us ne mera haal sunaya hoga naan
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں