پھر تو پیڑوں سے بھی دو نام مٹا دینے تھے — زین شکیل
شاعر
پھر تو پیڑوں سے بھی دو نام مٹا دینے تھے
پھر تو پیڑوں سے بھی دو نام مٹا دینے تھے
تو نے گر عہد مرے دوست بھلا دینے تھے
آج ہی چاند نے بادل میں نہاں رہنا تھا
آج ہی رات نے تارے بھی سُلا دینے تھے
آگ میں جھونک کے جانا تھا مری آنکھوں کو
جاتے جاتے مرے جذبے بھی جلا دینے تھے
میرے کہنے کا کہاں اس نے بھرم رکھنا تھا
اس نے محفل سے کہاں لوگ اٹھا دینے تھے
اے مرے خوفزدہ ! رات میں آجاتے ناں!
میں نے راہوں میں کئی دیپ جلا دینے تھے
میرے انکار نے کرنا تھا مجھے ہی رسوا!
اس نے اک پل میں کئی اشک بہا دینے تھے
یہ سمندر ہی اجازت نہیں دیتا ورنہ
میں نے پانی پہ ترے نقش بنا دینے تھے
جانے کیوں آبِ محبت میں مجھے ہی اس نے
گھول کر درد کے تعویز پلا دینے تھے!
Phir to pedon se bhi do naam mita dene the
Phir to pedon se bhi do naam mita dene the
Tu ne gar ehd mere dost bhula dene the
Aaj hi chaand ne badal mein nahan rehna tha
Aaj hi raat ne taare bhi sula dene the
Aag mein jhonk ke jaana tha meri aankhon ko
Jaate jaate mere jazbe bhi jala dene the
Mere kehne ka kahan us ne bharam rakhna tha
Us ne mehfil se kahan log utha dene the
Aye mere khaufzada! Raat mein aa jaate naan!
Main ne raahon mein kayi deep jala dene the
Mere inkaar ne karna tha mujhe hi ruswa!
Us ne ek pal mein kayi ashk baha dene the
Yeh samandar hi ijazat nahin deta warna
Main ne pani pe tere naqsh bana dene the
Jaane kyun aab-e-mohabbat mein mujhe hi us ne
Ghol kar dard ke taweez pila dene the!
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں