پھول روتے ہیں تو دیتی ہے دہائی تتلی — زین شکیل
شاعر
پھول روتے ہیں تو دیتی ہے دہائی تتلی
پھول روتے ہیں تو دیتی ہے دہائی تتلی
تُو نے کیا سوچ کے پھولوں سے اڑائی تتلی
مجھ گُلِ ہجر زدہ کو تو ہوا نے روندا
مجھ سے ملنے کو بڑی دیر سے آئی تتلی
میری وہ رات بھی رو رو کے کٹی جب اُس نے
قید مٹھی میں مجھے کر کے دکھائی تتلی
میں نے بے رنگ سا کاغذ پہ بنایا اک پھول
اُس نے اِ س پر بھی محبت سے بٹھائی تتلی
ہائے، پَر نوچنے والے یہ تجھے کیا معلوم
کس قدر جتن سے ہم نے تھی کمائی تتلی
اپنی میّت کو کیا دفن اکیلے میں نے
میرے مرنے کی خبر بعد میں لائی تتلی
تم نے اک بار جو آخر پہ بنائی خط میں
خط جلا ڈالا مگر ہم نے بچائی تتلی
زین وہ رنگ محبت کے لٹاتی جاوے
مدتوں بعد بڑے وجد میں آئی تتلی
Phool rote hain to deti hai duhaayi titli
Phool rote hain to deti hai duhaayi titli
Tu ne kya soch ke phoolon se udaayi titli
Mujh gul-e-hijr-zada ko to hawa ne raunda
Mujh se milne ko badi der se aayi titli
Meri woh raat bhi ro ro ke kati jab usne
Qaid mutthi mein mujhe kar ke dikhayi titli
Main ne be-rang sa kaaghaz pe banaya ek phool
Usne is par bhi mohabbat se bithayi titli
Haaye, par nochne wale yeh tujhe kya maloom
Kis qadar jatan se hum ne thi kamaayi titli
Apni mayyat ko kya dafan akele main ne
Mere marne ki khabar baad mein laayi titli
Tum ne ek baar jo aakhir pe banayi khat mein
Khat jala dala magar hum ne bachayi titli
Zein woh rang mohabbat ke lutati jaave
Muddaton baad bade wajd mein aayi titli
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں