قابلِ داد ہو گئے کیسے — زین شکیل
شاعر
قابلِ داد ہو گئے کیسے
قابلِ داد ہو گئے کیسے
تم بھی آباد ہو گئے کیسے
سوچتا ہوں تمہیں بھلا کر میں
تم مجھے یاد ہو گئے کیسے
آپ معصوم سی دعا بن کر
لب پہ آباد ہو گئے کیسے
ہم تو خاموش ہی رہے بر سوں
جانے برباد ہو گئے کیسے
دشت کی دھجیاں اڑی ہوں گی
شہر ایجاد ہو گئے کیسے
تم تو معصوم تھے محبت میں
اتنے استاد ہو گئے کیسے
جن سوالوں کو میں بھلا بیٹھا
آپ کو یاد ہو گئے کیسے
زین ہم نے تو سکھ بنائے تھے
درد ایجاد ہو گئے کیسے
Qabil-e-daad ho gaye kaise
Qabil-e-daad ho gaye kaise
Tum bhi abaad ho gaye kaise
Sochta hoon tumhein bhula kar main
Tum mujhe yaad ho gaye kaise
Aap masoom si dua ban kar
Lab pe abaad ho gaye kaise
Hum to khamosh hi rahe barson
Jaane barbaad ho gaye kaise
Dasht ki dhajjiyan udi hon gi
Shahar ijaad ho gaye kaise
Tum to masoom the mohabbat mein
Itne ustaad ho gaye kaise
Jin sawalon ko main bhula baitha
Aap ko yaad ho gaye kaise
Zain hum ne to sukh banaye the
Dard ijaad ho gaye kaise
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں