رات گھر میں اتر گئی ہو گی — زین شکیل
شاعر
رات گھر میں اتر گئی ہو گی
رات گھر میں اتر گئی ہو گی
وہ بھی دانستہ ڈر گئی ہو گی
کیسا ماتم بپا ہے سینے میں
آرزو کوئی مر گئی ہو گی
میرے اجزا سمیٹنے والی
میرے اندر بکھر گئی ہو گی
اب اسے یاد میں نہیں ہوں گا
اب طبیعت بھی بھر گئی ہوگی
جانتا ہوں مرے بہانہ جُو
پھر قیامت گزر گئی ہو گی
دل کی بستی اجاڑنے والو
چھوڑ بھی دو اجڑ گئی ہو گی
Raat ghar mein utar gai ho gi
Raat ghar mein utar gai ho gi
Woh bhi daanista dar gai ho gi
Kaisa maatam bapa hai seene mein
Aarzoo koi mar gai ho gi
Mere ajza sametne wali
Mere andar bikhar gai ho gi
Ab usay yaad mein nahin hoon ga
Ab tabiyat bhi bhar gai ho gi
Jaanta hoon mere bahana juu
Phir qayamat guzar gai ho gi
Dil ki basti ujadne walo
Chhod bhi do ujad gai ho gi
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں