روتے روتے مسکرانا چاہئیے — زین شکیل
شاعر
روتے روتے مسکرانا چاہئیے
روتے روتے مسکرانا چاہئیے
درد کو ایسے نبھانا چاہئیے
پا لیا حد سے سوا میں نے اسے
سوچتا ہوں اب گنوانا چاہئیے
پھر اسے آنا نہیں ہے لوٹ کر
پھر اسے کوئی بہانہ چاہئیے
چاہتا بھی ہے مجھے پھر کیوں اسے
ہر تعلق غائبانہ چاہئیے
کیوں مجھے اس کی طلب رہنے لگی
وہ جسے سارا زمانہ چاہئیے
عشق ہونادر حقیقت جیت ہے
اس میں سب کچھ ہار جانا چاہئیے
کر لیا تسلیم میں نے ہجر کو
اس کو لیکن آنا جانا چاہئیے
وہ پرانے زخم مجھ کو راس تھے
پھر مجھے چہرہ پرانا چاہئیے
Rote rote muskurana chahiye
Rote rote muskurana chahiye
Dard ko aise nibhana chahiye
Pa liya hadd se siwa main ne usay
Sochta hoon ab ganwana chahiye
Phir usay aana nahin hai laut kar
Phir usay koi bahana chahiye
Chahta bhi hai mujhe phir kyun usay
Har talluq ghaibana chahiye
Kyun mujhe us ki talab rehne lagi
Woh jisay sara zamana chahiye
Ishq hona dar haqeeqat jeet hai
Is mein sab kuch haar jana chahiye
Kar liya tasleem main ne hijr ko
Us ko lekin aana jana chahiye
Woh purane zakhm mujh ko raas the
Phir mujhe chehra purana chahiye
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں