ساتھ کسی کا چھوٹ گیا دل بیٹھ گیا — زین شکیل
شاعر
ساتھ کسی کا چھوٹ گیا دل بیٹھ گیا
ساتھ کسی کا چھوٹ گیا دل بیٹھ گیا
پیار کا مندر ٹوٹ گیا دل بیٹھ گیا
نیندوں کو تعبیر کی حسرت مار گئی
آنکھ میں سپنا پھوٹ گیا دل بیٹھ گیا
یاد تری رہ جانی تھی سو رہ گئی ہے
ہاتھ سے دامن چھوٹ گیا دل بیٹھ گیا
شام بھی مجھ سے موڑ کے چہرہ دور گئی
اور یہ دن بھی روٹھ گیا دل بیٹھ گیا
اور یہ ٹکڑے کون سمیٹے گا آخر
دیکھ میں کتنا ٹوٹ گیا دل بیٹھ گیا
Saath kisi ka chhoot gaya dil baith gaya
Saath kisi ka chhoot gaya dil baith gaya
Pyaar ka mandar toot gaya dil baith gaya
Neendon ko taabir ki hasrat maar gayi
Aankh mein sapna phoot gaya dil baith gaya
Yaad teri rah jaani thi so rah gayi hai
Haath se daaman chhoot gaya dil baith gaya
Shaam bhi mujh se mod ke chehra door gayi
Aur ye din bhi rooth gaya dil baith gaya
Aur ye tukde kaun samete ga aakhir
Dekh mein kitna toot gaya dil baith gaya
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں