سینے میں ایک درد پروتی ہیں بارشیں — زین شکیل
شاعر
سینے میں ایک درد پروتی ہیں بارشیں
سینے میں ایک درد پروتی ہیں بارشیں
یوں بھی اداسیوں کو سموتی ہیں بارشیں
ہوتے ہی شام ابر ٹھہرتے ہیں آنکھ میں
پھر اس کے بعد رات بھگوتی ہیں بارشیں
جانے یہ کس کے ہجر میں صدیوں سے قید ہیں
مدت سے کس کے درد میں روتی ہیں بارشیں
بھیگے ہوئے درخت بڑھائیں اداسیاں
کرتی بھی ہیں اداس بھی ہوتی ہیں بارشیں
کس نے کہا کہ تھم گئی برسات آج تو
آنکھوں میں رات بھر نہیں سوتی ہیں بارشیں
seene mein ek dard paroti hain barishen
seene mein ek dard paroti hain barishen
yun bhi udasiyon ko samoti hain barishen
hote hi shaam abr theharte hain aankh mein
phir us ke baad raat bhigoti hain barishen
jane ye kis ke hijr mein sadiyon se qaid hain
muddat se kis ke dard mein roti hain barishen
bheege hue darakht badhaein udasiyan
karti bhi hain udaas bhi hoti hain barishen
kis ne kaha ke tham gayi barsaat aaj to
aankhon mein raat bhar nahin soti hain barishen
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں