شام، دریا، ندی، کنارے، تم — زین شکیل
شاعر
شام، دریا، ندی، کنارے، تم
شام، دریا، ندی، کنارے، تم
مجھ کو لگتے ہو کتنے پیارے تم
اور اک ہم کہ بس تمہارے ہی
اور اک تم کہ بس ہمارے تم
کیوں مری آنکھ سن نہیں پائی
کیوں نہیں آنکھ سے پکارے تم
میں تمہیں بھول ہی نہیں پاتا
ہو گئے یاد مجھ کو سارے تم
کون سا آسمان تھا بولو
یوں کہاں سے گئے اتارے تم
مجھ کو یونہی حسین لگتے ہیں
چاندنی شب، اُداس تارے، تم
ہجر کا کون سا یہ عالم ہے
بس مجھے دے گئے خسارے تم
اب کہ رونا بھی فن میں شامل تھا
اس لئے رو پڑے بیچارے تم
Shaam, dariya, nadi, kinaare, tum
Shaam, dariya, nadi, kinaare, tum
Mujh ko lagte ho kitne pyaare tum
Aur ek hum ke bas tumhare hi
Aur ek tum ke bas hamare tum
Kyun meri aankh sun nahin paayi
Kyun nahin aankh se pukare tum
Mein tumhein bhool hi nahin paata
Ho gaye yaad mujh ko saare tum
Kaun sa aasman tha bolo
Yun kahan se gaye utaare tum
Mujh ko yunhi haseen lagte hain
Chandni shab, udaas taare, tum
Hijr ka kaun sa ye aalam hai
Bas mujhe de gaye khasaare tum
Ab ke rona bhi fan mein shaamil tha
Is liye ro pade bechaare tum
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں