سسک رہا تھا مِرا اک سوال، تُو چپ تھا — زین شکیل
شاعر
سسک رہا تھا مِرا اک سوال، تُو چپ تھا
سسک رہا تھا مِرا اک سوال، تُو چپ تھا
رہا تھا دل میں یہی اک ملال، تُو چپ تھا
اداس کرتی گئیں وہ تری اداس آنکھیں
میں پوچھتا بھی رہا حال چال، تُو چپ تھا
میں جب بلند رہا تو بھی ہمکلام رہا
سو مجھ پہ آن پڑا جب زوال، تُو چپ تھا
جو تیرا ثانی مجھے مل گیا تو شکوہ کیوں؟
میں ڈھونڈتا تھا تری جب مثال، تُو چپ تھا
اب اپنے درد کا کیونکر ڈھنڈورا پیٹتا ہے؟
میں کر رہا تھا جو تب اندمال، تُو چپ تھا
مرا دریدہ بدن دیکھ کر نہ اب رونا
کہا تھا کر لے مری دیکھ بھال، تُو چپ تھا
مِرے بدن کے تجھے زخم اب ستاتے ہیں
میں دکھ کی اوڑھے ہوئے جب تھا شال، تُو چپ تھا
تجھے ہی شام و سحر کا حساب دیتے ہوئے
گزر گیا تھا مرا ایک سال، تُو چپ تھا
یہ تیرے اور مِرے ربط کے مٹانے کو
زمانہ چلتا رہا ایک چال، تُو چپ تھا
Sisak raha tha mira ek sawal, tu chup tha
Sisak raha tha mira ek sawal, tu chup tha
Raha tha dil mein yahi ek malaal, tu chup tha
Udaas karti gayeen woh teri udaas aankhein
Main poochhta bhi raha haal chaal, tu chup tha
Main jab buland raha to bhi hamkalaam raha
So mujh pe aan pada jab zawaal, tu chup tha
Jo tera saani mujhe mil gaya to shikwa kyun?
Main dhoondhta tha teri jab misaal, tu chup tha
Ab apne dard ka kyunkar dhindoora peetta hai?
Main kar raha tha jo tab indimaal, tu chup tha
Mera dareeda badan dekh kar na ab rona
Kaha tha kar le meri dekh bhaal, tu chup tha
Mere badan ke tujhe zakhm ab satate hain
Main dukh ki odhe hue jab tha shaal, tu chup tha
Tujhe hi shaam-o-sehar ka hisaab dete hue
Guzar gaya tha mera ek saal, tu chup tha
Yeh tere aur mere rabt ke mitane ko
Zamana chalta raha ek chaal, tu chup tha
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں