تیرا دکھ دوبارہ دیکھا جائے گا — زین شکیل
شاعر
تیرا دکھ دوبارہ دیکھا جائے گا
تیرا دکھ دوبارہ دیکھا جائے گا
جو بھی ہو گا یارا دیکھا جائے گا
پہلے آنکھیں دریا دیکھا کرتی تھیں
اب کی بار کنارہ دیکھا جائے گا
سب سے پہلے میں اس کو جھٹلاؤں گا
جو بھی تجھ سے پیارا دیکھا جائے گا
دو روحوں کا اک ہو جانا لازم ہے
تب ہی منظر سارا دیکھا جائے گا
میری آنکھیں رو رو کر یہ کہتی ہیں
کون اب تجھ سے پیارا دیکھا جائے گا
خوشیاں آدھی آدھی دیکھی جائیں گی
دکھ سارے کا سارا دیکھا جائے گا
پہلے سے اب ان باتوں پر کیا لڑنا
جو جیتا جو ہارا دیکھا جائے گا
میں جب بھی سارا ٹوٹا تو پھر اس دن
میرا پارہ پارہ دیکھا جائے گا
tera dukh dobara dekha jaega
tera dukh dobara dekha jaega
jo bhi hoga yaara dekha jaega
pehle aankhen darya dekha karti thien
ab ki baar kinara dekha jaega
sab se pehle main us ko jhuthlaun ga
jo bhi tujh se pyara dekha jaega
do roohon ka ek ho jana laazim hai
tab hi manzar sara dekha jaega
meri aankhen ro ro kar ye kehti hain
kaun ab tujh se pyara dekha jaega
khushiyan aadhi aadhi dekhi jaen gi
dukh sare ka sara dekha jaega
pehle se ab in baton par kya ladna
jo jeeta jo hara dekha jaega
main jab bhi sara toota to phir us din
mera para para dekha jaega
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں