ترا شہر کتنا تھا معتبر مری آنکھ میں — زین شکیل
شاعر
ترا شہر کتنا تھا معتبر مری آنکھ میں
ترا شہر کتنا تھا معتبر مری آنکھ میں
کہ بسا ہوا تھا ترا جو گھر مری آنکھ میں
کوئی ابر تھا جو ابھی تلک نہ برس سکا
کوئی اشک بھی ہوا در بدر مری آنکھ میں
مرے آنسوؤں میں مری یہ ذات تو بہہ گئی
رہا ایک شخص ہی عمر بھر مری آنکھ میں
ذرا ٹھہر رات کی تیرگی ابھی صبر کر
کوئی کر رہا ہے ابھی سفر مری آنکھ میں
مری ہر نظر بھی بلندیوں سے پرے گئی
ہوا جانے کس کا ابھی گزر مری آنکھ میں
ابھی اس میں پھیلنے لگ گئی ہے اداس رت
ابھی ہو رہا ہے ترا اثر مری آنکھ میں
tera shahar kitna tha moatabar meri aankh mein
tera shahar kitna tha moatabar meri aankh mein
ke basa hua tha tera jo ghar meri aankh mein
koi abr tha jo abhi talak na baras saka
koi ashk bhi hua dar badar meri aankh mein
mere aansuon mein meri ye zaat to beh gayi
raha ek shakhs hi umar bhar meri aankh mein
zara thahar raat ki teergi abhi sabr kar
koi kar raha hai abhi safar meri aankh mein
meri har nazar bhi bulandiyon se pare gayi
hua jane kis ka abhi guzar meri aankh mein
abhi is mein phailne lag gayi hai udaas rut
abhi ho raha hai tera asar meri aankh mein
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں