ترا وہ نگاہوں سے بولنا، نہیں بھولنا — زین شکیل
شاعر
ترا وہ نگاہوں سے بولنا، نہیں بھولنا
ترا وہ نگاہوں سے بولنا، نہیں بھولنا
مری ہر نگاہ کو تولنا، نہیں بھولنا
یہ کلی کا کھِلنا تو خوب ہے مرے دوستا
مجھے اس کا آنکھوں کو کھولنا، نہیں بھولنا
کبھی اور کوئی نشہ کیا تو نہیں مگر
تری یاد میں مرا ڈولنا، نہیں بھولنا
مجھے اپنا کہنا وہ باتوں باتوں میں بھول سے
ترا رَس وہ کانوں میں گھولنا، نہیں بھولنا
ترا سارا شہر مِرے خلاف کھڑا تھا پر
مِرے حق میں اک ترا بولنا، نہیں بھولنا!
تِرا اک نظر مجھے دیکھنا وہی پیار سے
ہے مجھے قسم مرے ڈھولنا، نہیں بھولنا
tera woh nigahon se bolna, nahin bhoolna
tera woh nigahon se bolna, nahin bhoolna
meri har nigah ko tolna, nahin bhoolna
ye kali ka khilna to khoob hai mere dosta
mujhe us ka aankhon ko kholna, nahin bhoolna
kabhi aur koi nasha kiya to nahin magar
teri yaad mein mera dolna, nahin bhoolna
mujhe apna kehna woh baton baton mein bhool se
tera ras woh kaanon mein gholna, nahin bhoolna
tera sara shahar mere khilaf khada tha par
mere haq mein ek tera bolna, nahin bhoolna!
tera ek nazar mujhe dekhna wahi pyar se
hai mujhe qasam mere dholna, nahin bhoolna
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں