ٹھکرا دی تھی بستی ساری یاد کرو — زین شکیل
شاعر
ٹھکرا دی تھی بستی ساری یاد کرو
ٹھکرا دی تھی بستی ساری یاد کرو
جب تم تھے جذبوں پر طاری یاد کرو
کُل کتنے دکھ سکھ تھے تیرے اور مرے
جتنے بھی تھے باری باری یاد کرو
کیا غم ہے گر تم کو راجہ یاد نہیں
سندرتا کی راج کماری یاد کرو
تم ساحل سے پہلے ہم کو آن ملے
تھا آنکھوں سے دریا جاری یاد کرو
بچھڑے تھے ہم عین کہانی بیچ مگر
تم اُس سے پہلے کی ساری یاد کرو
سہرا باندھے دکھ آئے گا پاس کبھی
کہتے تھے ناں؟ بات ہماری یاد کرو!
مجھ بھولے کو اب یہ آ کر کون کہے
جاں سے تھی میں تجھ کو پیاری، یاد کرو
Thukra di thi basti saari yaad karo
Thukra di thi basti saari yaad karo
Jab tum the jazbon par taari yaad karo
Kul kitne dukh sukh the tere aur mere
Jitne bhi the baari baari yaad karo
Kya gham hai gar tum ko Raja yaad nahin
Sundarta ki Raj kumari yaad karo
Tum sahil se pehle hum ko aan mile
Tha aankhon se dariya jaari yaad karo
Bichhde the hum ain kahani beech magar
Tum us se pehle ki saari yaad karo
Sehra baandhe dukh aaye ga paas kabhi
Kehte the naan? Baat hamari yaad karo!
Mujh bhoole ko ab ye aa kar kaun kahe
Jaan se thi mein tujh ko pyaari, yaad karo
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں