تُو ایک بار مجھے رازداں بنا لیتا!! — زین شکیل
شاعر
تُو ایک بار مجھے رازداں بنا لیتا!!
تُو ایک بار مجھے رازداں بنا لیتا!!
میں آئینوں سے تِرا عکس بھی چرا لیتا!!
سنا ہے بات بنانے میں تو بھی ماہر ہے
سو کوئی بات مرے رُوبرو بنا لیتا!!
میں اپنی پھوٹی ہوئی آنکھ پر رہا راضی
میں تیرے خواب سے اب انتقام کیا لیتا!!
میں اس طرح سے تجھے ٹوٹنے نہیں دیتا
اگر تُو آ کے مجھے حالِ دل سنا لیتا!!
میں واجباتِ محبت پہ سوچتا بھی نہیں
میں اپنا آپ گنوا کر بھی تجھ کو پا لیتا!!
ذرا سی دیر پہ تُو نے اٹھا لیا محشر
میں سو گیا تھا تو آ کر مجھے جگا لیتا!!
tu ek baar mujhe razdaan bana leta!!
tu ek baar mujhe razdaan bana leta!!
main aainon se tera aks bhi chura leta!!
suna hai baat banane mein tu bhi mahir hai
so koi baat mere rubaroo bana leta!!
main apni phooti hui aankh par raha razi
main tere khwab se ab intiqam kya leta!!
main is tarah se tujhe tootne nahin deta
agar tu aa ke mujhe haal-e-dil suna leta!!
main wajibaat-e-mohabbat pe sochta bhi nahin
main apna aap ganwa kar bhi tujh ko pa leta!!
zara si der pe tu ne utha liya mahshar
main so gaya tha to aa kar mujhe jaga leta!!
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں