تمہیں دل نے پکارا ہے، مجھے تم یاد آتے ہو — زین شکیل
شاعر
تمہیں دل نے پکارا ہے، مجھے تم یاد آتے ہو
تمہیں دل نے پکارا ہے، مجھے تم یاد آتے ہو
کہاں تجھ بن گزارا ہے، مجھے تم یاد آتے ہو
تمہارے بن رگوں میں زہر بھرتی ہے اداسی بھی
خسارہ ہی خسارہ ہے مجھے تم یاد آتے ہو
محبت نے لبادہ اوڑھ رکھا ہے فقیری کا
زمانہ کب گوارہ ہے مجھے تم یاد آتے ہو
محبت میں بھلا اسباب کیسے وسوسے کیسے
مرا سب کچھ تمہارا ہے، مجھے تم یاد آتے ہو
مجھے تنہائیوں سے ڈر نہیں لگتا کہ اب مجھ کو
تمہارا ہی سہارا ہے، مجھے تم یاد آتے ہو
وہ جتنے عکس تھے آنکھوں میں سارے بھول بیٹھا ہوں
تمہیں دل میں اتارا ہے، مجھے تم یاد آتے ہو
Tumhein dil ne pukara hai, mujhe tum yaad aate ho
Tumhein dil ne pukara hai, mujhe tum yaad aate ho
Kahan tujh bin guzara hai, mujhe tum yaad aate ho
Tumhare bin ragon mein zehar bharti hai udasi bhi
Khasara hi khasara hai mujhe tum yaad aate ho
Mohabbat ne libada odh rakha hai faqiri ka
Zamana kab gawara hai mujhe tum yaad aate ho
Mohabbat mein bhala asbab kaise waswase kaise
Mera sab kuch tumhara hai, mujhe tum yaad aate ho
Mujhe tanhaiyon se dar nahin lagta ke ab mujh ko
Tumhara hi sahara hai, mujhe tum yaad aate ho
Woh jitne aks the aankhon mein saare bhool baitha hoon
Tumhein dil mein utara hai, mujhe tum yaad aate ho
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں