تمہیں یہ ظلم کرنا آ گیا ہے؟ — زین شکیل
شاعر
تمہیں یہ ظلم کرنا آ گیا ہے؟
تمہیں یہ ظلم کرنا آ گیا ہے؟
محبت سے مکرنا آ گیا ہے؟
وہی بس! ہاں وہی! کرتی تھی جو تم
مجھے وہ جادو کرنا آ گیا ہے
خدا جانے یہ کیسے ہو گیا پر
مجھے دل میں اترنا آ گیا ہے
بتاؤ آئینے توڑے ہیں کتنے
تمہیں جو یوں سنورنا آ گیا ہے
تمہاری آس میں جیتے ہوئے اب
ہمیں بھی روز مرنا آ گیا ہے
وہاں سے اب گزرنا پڑ رہا ہے
جہاں تم کو ٹھہرنا آ گیا ہے
مجھے بھی تیری یادوں کی گلی میں
خموشی سے بکھرنا آ گیا ہے
Tumhein yeh zulm karna aa gaya hai?
Tumhein yeh zulm karna aa gaya hai?
Mohabbat se mukarna aa gaya hai?
Wahi bas! Haan wahi! Karti thi jo tum
Mujhe woh jaadoo karna aa gaya hai
Khuda jaane yeh kaise ho gaya par
Mujhe dil mein utarna aa gaya hai
Batao aaine tode hain kitne
Tumhein jo yun sanwarna aa gaya hai
Tumhari is mein jeete hue ab
Hamein bhi roz marna aa gaya hai
Wahan se ab guzarna pad raha hai
Jahan tum ko theharna aa gaya hai
Mujhe bhi teri yaadon ki gali mein
Khamoshi se bikharna aa gaya hai
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں