اس کی آنکھوں کے سمندر میں اترنے کے سوا — زین شکیل
شاعر
اس کی آنکھوں کے سمندر میں اترنے کے سوا
اس کی آنکھوں کے سمندر میں اترنے کے سوا
کوئی چارہ بھی نہیں تھا ڈوب مرنے کے سوا
تم سمیٹو گے کہاں تک جائو اپنی راہ لو!
کچھ بھی تو آتا نہیں مجھ کو بکھرنے کے سوا
کیا مرے زخموں پہ مرہم بھی لگائو گے کہو؟
تم تو کرتے ہی نہیں کچھ بھی سنورنے کے سوا
ہم کہ بس قیدِ محبت میں پڑے ہیں آج بھی
سب کیا ہے مرحلہ یہ پار کرنے کے سوا
میری مرضی پوچھنے والے تمہیں معلوم ہے!
اور تم سے کیا کہوں گا میں ٹھہرنے کے سوا
اس کے سب جھوٹے دلائل ماند پڑنے لگ گئے
کچھ نہیں کر پائے گا اب وہ مکرنے کے سوا
Uski aankhon ke samundar mein utarne ke siwa
Uski aankhon ke samundar mein utarne ke siwa
Koi charah bhi nahin tha doob marne ke siwa
Tum sameto ge kahan tak, jao apni raah lo!
Kuchh bhi toh aata nahin mujh ko bikharne ke siwa
Kya mere zakhmon pe marham bhi lagao ge kaho?
Tum toh karte hi nahin kuchh bhi sanwarne ke siwa
Hum ke bas qaid-e-mohabbat mein pade hain aaj bhi
Sab kiya hai marhala yeh paar karne ke siwa
Meri marzi poochhne wale tumhein maloom hai!
Aur tum se kya kahoon ga main theharne ke siwa
Uske sab jhoote dalael maand padne lag gaye
Kuchh nahin kar paye ga ab woh mukarne ke siwa
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں