یوں کہانی تو سنانی نہیں آتی مجھ کو — زین شکیل
شاعر
یوں کہانی تو سنانی نہیں آتی مجھ کو
یوں کہانی تو سنانی نہیں آتی مجھ کو
کیا کروں بات گھمانی نہیں آتی مجھ کو
کر دیا کرتے ہیں آنسو مرے غم کو ظاہر
اک نشانی بھی چھپانی نہیں آتی مجھ کو
عشق کرتب تو نہیں ہے مِرے معصوم صِفَت
جھیل میں آگ لگانی نہیں آتی مجھ کو
تم بھی اب دن میں ملاقات کی زحمت کرنا
چاندنی رات چرانی نہیں آتی مجھ کو
اپنی جانب تجھے کس ڈھب سے کروں گا مائل
اک توجہ بھی دلانی نہیں آتی مجھ کو
وہ جو پہلے بھی بتاتے ہوئے دل ڈرتا تھا
اب بھی وہ بات بتانی نہیں آتی مجھ کو
دن نکلنے کو ہے سو جاؤ خدارا اب تو
کوئی پریوں کی کہانی نہیں آتی مجھ کو
Yun kahani to sunani nahin aati mujh ko
Yun kahani to sunani nahin aati mujh ko
Kya karun baat ghumani nahin aati mujh ko
Kar diya karte hain aansu mere gham ko zahir
Ek nishani bhi chhupani nahin aati mujh ko
Ishq kartab to nahin hai mere masoom sifat
Jheel mein aag lagani nahin aati mujh ko
Tum bhi ab din mein mulaqat ki zehmat karna
Chandni raat churani nahin aati mujh ko
Apni jaanib tujhe kis dhab se karun ga mayal
Ek tawajjuh bhi dilani nahin aati mujh ko
Woh jo pehle bhi batate hue dil darta tha
Ab bhi woh baat batani nahin aati mujh ko
Din nikalne ko hai so jao khudara ab to
Koi pariyoun ki kahani nahin aati mujh ko
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں