زخم سارے ہی بھر دیے میں نے — زین شکیل
شاعر
زخم سارے ہی بھر دیے میں نے
زخم سارے ہی بھر دیے میں نے
سُکھ تری سمت کر دیے میں نے
وہ مرے سنگ تھا اداس تو پھر
رابطے ختم کر دیے میں نے
دکھ اٹھائے تو اپنے سارے سُکھ
اس کی چوکھٹ پہ دھر دیے میں نے
اب تم آئے ہو خواب لینے کو
جانے کس کو کدھر دیے میں نے
نوچتی تھیں بدن تری یادیں
ان کے ناخن کتر دیے میں نے
اب تجھے صبح تک ستائے گی
رات کے کان بھر دیے میں نے
زین وہ یاد بھی نہ رکھے گا
جتنے احسان کر دیے میں نے
Zakhm saare hi bhar diye main ne
Zakhm saare hi bhar diye main ne
Sukh teri simt kar diye main ne
Woh mere sang tha udaas to phir
Raabte khatm kar diye main ne
Dukh uthaye to apne saare sukh
Uski chaukhat pe dhar diye main ne
Ab tum aaye ho khwaab lene ko
Jaane kis ko kidhar diye main ne
Nochti thin badan teri yaadein
Un ke nakhun katar diye main ne
Ab tujhe subah tak satayegi
Raat ke kaan bhar diye main ne
Zein woh yaad bhi na rakhega
Jitne ehsaan kar diye main ne
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں