زمانے بھر کو نہ دکھ سناتے، مجھے بتاتے! — زین شکیل
شاعر
زمانے بھر کو نہ دکھ سناتے، مجھے بتاتے!
زمانے بھر کو نہ دکھ سناتے، مجھے بتاتے!
قریب ایسے نہ رنج آتے، مجھے بتاتے!
ترس رہی تھی تمہاری آواز کو سماعت
سو جھوٹی باتیں ہی تم بناتے، مجھے بتاتے!
بہت کہا تھا تمہیں زمانہ نہیں سہے گا
سو یوں نہ ہوتا جو پاس آتے، مجھے بتاتے!
کوئی جو روٹھا تو رو پڑے ناں، تمہیں کہاتھا
مجھے رلاتے، مجھے ستاتے، مجھے بتاتے!
بڑی محبت سے پیش آتا، تمہیں ہنساتا
پھر ایک چاہت کا گھر بناتے، مجھے بتاتے!
ہے میرے دل میں بھی بےقراری، قسم تمہاری
یونہی اکیلے نہ خوں جلاتے ، مجھے بتاتے!
تمہاری خاطر میں لوٹ آتا، تمہاری سنتا
بس اک دفعہ تم مجھے بلاتے، مجھے بتاتے
Zamane bhar ko na dukh sunate, mujhe batate!
Zamane bhar ko na dukh sunate, mujhe batate!
Qareeb aise na ranj aate, mujhe batate!
Taras rahi thi tumhari awaaz ko samaat
So jhooti baatein hi tum banate, mujhe batate!
Bahut kaha tha tumhein zamana nahin sahe ga
So yun na hota jo paas aate, mujhe batate!
Koi jo rootha to ro pade naan, tumhein kaha tha
Mujhe rulate, mujhe satate, mujhe batate!
Badi mohabbat se pesh aata, tumhein hansata
Phir ek chahat ka ghar banate, mujhe batate!
Hai mere dil mein bhi beqarari, qasam tumhari
Yunhi akele na khoon jalate, mujhe batate!
Tumhari khaatir main laut aata, tumhari sunta
Bas ek dafa tum mujhe bulate, mujhe batate
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں