غم مجھے حسرت مجھے وحشت مجھے سودا مجھے — آواز: فائیٹر | شاعر: سیماب اکبرآبادی
مقرر / سپیکر
غم مجھے حسرت مجھے وحشت مجھے سودا مجھے
غم مجھے حسرت مجھے وحشت مجھے سودا مجھے
ایک دل دے کر خدا نے دے دیا کیا کیا مجھے
ہے حصول آرزو کا راز ترک آرزو
میں نے دنیا چھوڑ دی تو مل گئی دنیا مجھے
یہ نماز عشق ہے کیسا ادب کس کا ادب
اپنے پائے ناز پر کرنے بھی دے سجدا مجھے
کہہ کے سویا ہوں یہ اپنے اضطراب شوق سے
جب وہ آئیں قبر پر فوراً جگا دینا مجھے
صبح تک کیا کیا تری امید نے طعنے دیے
آ گیا تھا شام غم اک نیند کا جھوکا مجھے
دیکھتے ہی دیکھتے دنیا سے میں اٹھ جاؤں گا
دیکھتی کی دیکھتی رہ جائے گی دنیا مجھے
جلوہ گر ہے اس میں اے سیمابؔ اک دنیائے حسن
جام جم سے ہے زیادہ دل کا آئینہ مجھے
شاعر: سیماب اکبرآبادی
آواز: فائیٹر
Gham mujhe hasrat mujhe wahshat mujhe sauda mujhe
Gham mujhe hasrat mujhe wahshat mujhe sauda mujhe
Ek dil de kar khuda ne de diya kya kya mujhe
Hai husool-e-aarzoo ka raaz tark-e-aarzoo
Main ne duniya chhoṛ di to mil gayi duniya mujhe
Yeh namaz-e-ishq hai kaisa adab kis ka adab
Apne paaye naaz par karne bhi de sajda mujhe
Keh ke soya hoon yeh apne iztirab-e-shauq se
Jab woh aayen qabr par fauran jaga dena mujhe
Subah tak kya kya teri ummeed ne ta'ane diye
Aa gaya tha shaam-e-gham ek neend ka jhoka mujhe
Dekhte hi dekhte duniya se main uṭh jaunga
Dekhti ki dekhti reh jaayegi duniya mujhe
Jalwa-gar hai is mein aye Seemab! ek dunya-e-husn
Jaam-e-jam se hai zyada dil ka aaina mujhe