قتل چھپتے تھے کبھی سنگ کی دیوار کے بیچ — آواز: فائیٹر | شاعر: محسن نقوی
مقرر / سپیکر
قتل چھپتے تھے کبھی سنگ کی دیوار کے بیچ
قتل چھپتے تھے کبھی سنگ کی دیوار کے بیچ
اب تو کھلنے لگے مقتل بھرے بازار کے بیچ
اپنی پوشاک کے چھن جانے پہ افسوس نہ کر
سر سلامت نہیں رہتے یہاں دستار کے بیچ
سرخیاں امن کی تلقین میں مصروف رہیں
حرف بارود اگلتے رہے اخبار کے بیچ
کاش اس خواب کی تعبیر کی مہلت نہ ملے
شعلے اگتے نظر آئے مجھے گلزار کے بیچ
ڈھلتے سورج کی تمازت نے بکھر کر دیکھا
سر کشیدہ مرا سایا صف اشجار کے بیچ
رزق ملبوس مکاں سانس مرض قرض دوا
منقسم ہو گیا انساں انہی افکار کے بیچ
دیکھے جاتے نہ تھے آنسو مرے جس سے محسنؔ
آج ہنستے ہوئے دیکھا اسے اغیار کے بیچ
شاعر: محسن نقوی
آواز: فائیٹر
Qatl chhupte the kabhi sang ki deewar ke beech
Qatl chhupte the kabhi sang ki deewar ke beech
Ab to khulne lage maqtal bhare bazaar ke beech
Apni poshak ke chhin jaane pe afsos na kar
Sar salamat nahin rehte yahan dastaar ke beech
Surkhiyan amn ki talqeen mein masroof rahin
Harf barood ugalte rahe akhbar ke beech
Kaash is khwab ki tabeer ki mohlat na mile
Shole ugte nazar aaye mujhe gulzar ke beech
Dhalte suraj ki tamazat ne bikhar kar dekha
Sar kashida mera saya saf-e-ashjar ke beech
Rizq, malboos, makan, saans, marz, qarz, dawa
Munqasim ho gaya insan unheen afkaar ke beech
Dekhe jaate na the aansoo mere jis se Mohsin
Aaj hanste hue dekha usay aghyar ke beech