بت بے درد کا غم مونس ہجراں نکلا — آواز: ریبل | شاعر: حسرت موہانی
مقرر / سپیکر
بت بے درد کا غم مونس ہجراں نکلا
بت بے درد کا غم مونس ہجراں نکلا
درد جانا تھا جسے ہم نے وہ درماں نکلا
آنکھ جب بند ہوئی تب کھلیں آنکھیں اپنی
بزم یاراں جسے سمجھے تھے وہ زنداں نکلا
حسرت و یاس کا انبوہ فغاں کی کثرت
میں تری بزم سے کیا با سر و ساماں نکلا
خون ہو کر تو یہ دل آنکھ سے برسوں ٹپکا
نہ کوئی پر دل ناکام کا ارماں نکلا
آئنہ پیکر تصویر نگاہ مشتاق
جسے دیکھا تری محفل میں وہ حیراں نکلا
مجھ کو حیرت ہے ہوا کیا دم رخصت ہمدم
جان نکلی مرے پہلو سے کہ جاناں نکلا
خوب دوزخ کی مصیبت سے بچے ہم حسرتؔ
اس کا داروغہ وہی یار کا درباں نکلا
شاعر: حسرت موہانی
آواز: ریبل
But-e-be-dard ka gham moonis-e-hijran nikla
But-e-be-dard ka gham moonis-e-hijran nikla
Dard jaana tha jise hum ne woh darmaan nikla
Aankh jab band hui tab khuleen aankhen apni
Bazm-e-yaraan jise samjhe the woh zindaan nikla
Hasrat-o-yaas ka ambuha faghan ki kasrat
Main teri bazm se kya ba sar-o-samaan nikla
Khoon ho kar to yeh dil aankh se barson tapka
Na koi par dil-e-nakam ka armaan nikla
Aaina paikar-e-tasveer-e-nigah-e-mushtaq
Jise dekha teri mehfil mein woh hairan nikla
Mujh ko hairat hai hua kya dam-e-rukhsat hamdam
Jaan nikli mere pahlu se ke jaan-e-jaan nikla
Khoob dozakh ki musibat se bache hum Hasrat!
Is ka darogha wahi yaar ka darban nikla