آغاز محبت کا تو انجام نہیں ہے — افقر موہانی
شاعر
آغاز محبت کا تو انجام نہیں ہے
آغاز محبت کا تو انجام نہیں ہے
یہ صبح وہ ہے جس کی کبھی شام نہیں ہے
کیا دیکھتا ہے اپنے سوا دیکھنے والے
آئینۂ دل جلوہ گہ عام نہیں ہے
اللہ ری تقدیر کی ناکامی پیہم
یوں بیٹھا ہوں اب جیسے کوئی کام نہیں ہے
بے وجہ کیا قید اسیروں کو قفس میں
صیاد کے سر پھر بھی تو الزام نہیں ہے
مرنے نہیں دیتی ہے رہائی کی تمنا
دنیا میں مجھے ورنہ کوئی کام نہیں ہے
اب خاک ہو ایمن کے بیاباں میں تجلی
افقرؔ کوئی بے پردہ سر بام نہیں ہے
Aaghaz-e-mohabbat ka to anjaam nahin hai
Aaghaz-e-mohabbat ka to anjaam nahin hai
Yeh subah woh hai jis ki kabhi shaam nahin hai
Kya dekhta hai apne siwa dekhne wale
Aaina-e-dil jalwa gah-e-aam nahin hai
Allah re taqdeer ki nakaami-e-paiham
Yun baitha hoon ab jaise koi kaam nahin hai
Be-wajah kya qaid aseeron ko qafas mein
Sayyad ke sar phir bhi to ilzaam nahin hai
Marne nahin deti hai rihai ki tamanna
Duniya mein mujhe varna koi kaam nahin hai
Ab khaak ho Aiman ke biyaban mein tajalli
Afqar koi be-parda sar-e-baam nahin hai
شاعر کے بارے میں
افقر موہانی اردو کے ممتاز شاعر تھے جن کا اصل نام سید حسین اور تخلص افقر تھا۔ بعض مستند حوالوں میں ان کا تاریخی نام ظفر وارث بھی ملتا ہے۔ وہ13 جولائ...
مکمل تعارف پڑھیں