آئے نہ حرف ضبط پہ پیر مغاں کہیں — افقر موہانی
شاعر
آئے نہ حرف ضبط پہ پیر مغاں کہیں
آئے نہ حرف ضبط پہ پیر مغاں کہیں
بن جائیں خود سوال نہ انگڑائیاں کہیں
کرتی ہیں سجدہ جو رخ جاناں کو دیکھ کر
جھکتی ہیں سنگ در پہ وو پیشانیاں کہیں
اہل خرد سراغ لگاتے ہی رہ گئے
اہل جنوں کی مل نہ سکیں دھجیاں کہیں
بے ربطی سجود کا انداز دیکھ کر
بدلہ نہ لے جبیں سے ترا آستاں کہیں
بالیں پہ آ کے موت بھی اکثر پلٹ گئی
دنیا میں ہوں گے ہم سے نہ اب سخت جاں کہیں
افقرؔ ملے گی حشر میں صبر و رضا کی داد
لیکن ملے گا اب نہ مرا آستاں کہیں
Aaye na harf-e-zabt pe peer-e-mugaaN kahiN
Aaye na harf-e-zabt pe peer-e-mugaaN kahiN
Ban jayen khud sawal na angraiyaN kahiN
Karti hain sajda jo rukh-e-jaanaaN ko dekh kar
Jhukti hain sang-e-dar pe wo peshaniyaN kahiN
Ahl-e-khirad suragh lagate hi reh gaye
Ahl-e-junooN ki mil na sakeiN dhajiyaN kahiN
Be-rabti-e-sujood ka andaaz dekh kar
Badla na le jabeen se tera aastaaN kahiN
Baleen pe aa ke maut bhi aksar palat gai
Duniya mein hoNge hum se na ab sakht-jaan kahiN
Afqar, milegi hashr mein sabr-o-raza ki daad
Lekin milega ab na mera aastaaN kahiN
شاعر کے بارے میں
افقر موہانی اردو کے ممتاز شاعر تھے جن کا اصل نام سید حسین اور تخلص افقر تھا۔ بعض مستند حوالوں میں ان کا تاریخی نام ظفر وارث بھی ملتا ہے۔ وہ13 جولائ...
مکمل تعارف پڑھیں