تعین کی حدوں میں جلوہ ساماں ہو نہیں سکتا — افقر موہانی
شاعر
تعین کی حدوں میں جلوہ ساماں ہو نہیں سکتا
تعین کی حدوں میں جلوہ ساماں ہو نہیں سکتا
وہ حسن کل محیط کفر و ایماں ہو نہیں سکتا
جو پامال خرام ناز جاناں ہو نہیں سکتا
وہ مدفن حاصل گور غریباں ہو نہیں سکتا
اسے رہنے دے یوں ہی بخیہ گر تو اس کی حالت پر
رفو جس کا ہو وہ میرا گریباں ہو نہیں سکتا
ملے گی داد محشر میں وہ ظالم مل نہیں سکتا
کہیں بھی میرے درد دل کا درماں ہو نہیں سکتا
یہ قید لا مکاں کیسی یہ تخصیص مکاں کیا ہے
ترا جلوہ محیط حد امکاں ہو نہیں سکتا
نہیں جب آرزو کوئی تو خون آرزو کیسا
دل بے مدعا ناکام ارماں ہو نہیں سکتا
بھنور میں جتنا ڈوبے گا یہ اتنا اور ابھرے گا
محبت کا سفینہ غرق طوفاں ہو نہیں سکتا
اسے کیا آزمائے گی تجلی برق ایمن کی
جو ان کا دیکھنے والا ہے حیراں ہو نہیں سکتا
وہ اشک غم نہ سرخی جس میں خون دل کی شامل ہو
مرے افسانۂ الفت کا عنواں ہو نہیں سکتا
طبیعت ہی بدل دی لذت آزار پیہم نے
وہ چاہیں بھی تو میرے غم کا درماں ہو نہیں سکتا
مری ہستی حجاب روئے جاناں کیوں ہو اے افقرؔ
مری ہستی کا پردہ روئے جاناں ہو نہیں سکتا
Ta'ayyun ki hadoN mein jalwa saamaaN ho nahi sakta
Ta'ayyun ki hadoN mein jalwa saamaaN ho nahi sakta
Woh husn-e-kul muheet-e-kufr-o-eemaaN ho nahi sakta
Jo pamaal-e-khiraam-e-naaz-e-jaanaaN ho nahi sakta
Woh madfan hasil-e-goor-e-gareebaaN ho nahi sakta
Usey rehne de yooN hi bakhiya gar tu is ki haalat par
Rafoo jis ka ho woh mera garebaaN ho nahi sakta
Milegi daad-e-mahshar mein woh zaalim mil nahi sakta
KahiN bhi mere dard-e-dil ka darmaaN ho nahi sakta
Yeh qaid-e-la-makaaN kaisi yeh takhsees-e-makaaN kya hai
Tera jalwa muheet-e-had-e-imkaaN ho nahi sakta
Nahi jab aarzoo koi to khoon-e-aarzoo kaisa
Dil-e-be-muddua nakaam-e-armaaN ho nahi sakta
Bhanwar mein jitna doobega yeh itna aur ubhrega
Mohabbat ka safeena gharq-e-toofaaN ho nahi sakta
Usey kya aazmayegi tajalli barq-e-aiman ki
Jo in ka dekhne wala hai hairaan ho nahi sakta
Woh ashk-e-gham na surkhi jis mein khoon-e-dil ki shamil ho
Mere afsana-e-ulfat ka unwaaN ho nahi sakta
Tabiyat hi badal di lazzat-e-aazaar-e-paiham ne
Woh chahein bhi to mere gham ka darmaaN ho nahi sakta
Meri hasti hijaab-e-roo-e-jaanaaN kyuN ho ae Afqar
Meri hasti ka parda roo-e-jaanaaN ho nahi sakta
شاعر کے بارے میں
افقر موہانی اردو کے ممتاز شاعر تھے جن کا اصل نام سید حسین اور تخلص افقر تھا۔ بعض مستند حوالوں میں ان کا تاریخی نام ظفر وارث بھی ملتا ہے۔ وہ13 جولائ...
مکمل تعارف پڑھیں