دیدۂ محو مال ہے پیارے — افقر موہانی
شاعر
دیدۂ محو مال ہے پیارے
دیدۂ محو مال ہے پیارے
کچھ عجب دل کا حال ہے پیارے
زندگی اک وبال ہے پیارے
موت تیرا وصال ہے پیارے
میں تو خود ہی ہوں منفعل سر حشر
تجھ کو کیوں انفعال ہے پیارے
زخم تیر نگاہ سے دل کا
تازہ ہر دم نہال ہے پیارے
قصہ کوتاہ خانۂ دل میں
تو ہے تیرا خیال ہے پیارے
درد کا اپنی حد سے بڑھ جانا
زخم کا اور ملال ہے پیارے
جس کو کہتے ہیں فتنۂ محشر
وہ بھی اک تیری چال ہے پیارے
طالب دوجہاں نہیں افقرؔ
تجھ سے تیرا سوال ہے پیارے
Deedah mehv-e-maal hai pyare
Deedah mehv-e-maal hai pyare
Kuchh ajab dil ka haal hai pyare
Zindagi ek wabaal hai pyare
Maut tera visal hai pyare
MaiN to khud hi hooN munfa'il sar-e-hashr
Tujh ko kyuN inf'aal hai pyare
Zakhm-e-teer-e-nigah se dil ka
Taza har dam nihaal hai pyare
Qissa kootah khana-e-dil mein
Tu hai, tera khayal hai pyare
Dard ka apni had se barh jana
Zakhm ka aur malaal hai pyare
Jis ko kehte hain fitna-e-mahshar
Woh bhi ek teri chaal hai pyare
Talib-e-do-jahan nahi Afqar
Tujh se tera sawal hai pyare
شاعر کے بارے میں
افقر موہانی اردو کے ممتاز شاعر تھے جن کا اصل نام سید حسین اور تخلص افقر تھا۔ بعض مستند حوالوں میں ان کا تاریخی نام ظفر وارث بھی ملتا ہے۔ وہ13 جولائ...
مکمل تعارف پڑھیں