اب کیا بتاؤں درد کہاں تھا کہاں نہ تھا — افقر موہانی
شاعر
اب کیا بتاؤں درد کہاں تھا کہاں نہ تھا
اب کیا بتاؤں درد کہاں تھا کہاں نہ تھا
پوچھی وہ بات یار نے جس کا گماں نہ تھا
اس سے زیادہ حاصل عمر رواں نہ تھا
تیرا نشاں جو پایا تو اپنا نشاں نہ تھا
دنیا ہو یا ہجوم قیامت ہو یا کہ حشر
تیرے خراب عشق کا چرچا کہاں نہ تھا
دیکھی قفس سے جا کے چمن میں جفائے چرخ
سب کے تو آشیاں تھے مرا آشیاں نہ تھا
آتا نظر تھا دور سے نزدیک کارواں
نزدیک ہم ہوئے تو کہیں کارواں نہ تھا
آیا نظر نہ پھر بھی جہاں میں کسی کو تو
ہر چند تیرے جلوے سے خالی جہاں نہ تھا
کیسی بہار کس کا چمن فصل گل تھی کیا
دنیا نظر میں ہیچ تھی جب آشیاں نہ تھا
بے پردہ اس طرح کبھی حاصل تھا لطف دید
ہستی کا بھی حجاب مرے درمیاں نہ تھا
بجلی پہ کی نظر تو فلک پر تھی جا چکی
دیکھا جو آشیاں کی طرف آشیاں نہ تھا
ہر ذرۂ جہاں پہ تھا آباد اک جہاں
ہستی کا کوئی ذرہ بھی تو رائیگاں نہ تھا
افقرؔ مآل ہستیٔ فانی تھا بس یہی
کل تک تھا نام آج لحد کا نشاں نہ تھا
Ab kya bataun dard kahan tha kahan na tha
Ab kya bataun dard kahan tha kahan na tha
Poochhi woh baat yaar ne jis ka gumaan na tha
Is se ziyada hasil umr-e-rawan na tha
Tera nishan jo paya to apna nishan na tha
Duniya ho ya hujoom-e-qayamat ho ya ke hashr
Tere kharab-e-ishq ka charcha kahan na tha
Dekhi qafas se ja ke chaman mein jafa-e-charakh
Sab ke to aashiyan the mera aashiyan na tha
Aata nazar tha door se nazdeek karwan
Nazdeek hum hue to kahin karwan na tha
Aaya nazar na phir bhi jahan mein kisi ko tu
Har chand tere jalwe se khali jahan na tha
Kaisi bahar kis ka chaman fasl-e-gul thi kya
Duniya nazar mein hech thi jab aashiyan na tha
Be-parda is tarah kabhi hasil tha lutf-e-deed
Hasti ka bhi hijjab mere darmiyan na tha
Bijli peh ki nazar to falak par thi ja chuki
Dekha jo aashiyan ki taraf aashiyan na tha
Har zarra-e-jahan peh tha abad ek jahan
Hasti ka koi zarra bhi to raigan na tha
Afqar maal-e-hasti-e-fani tha bas yehi
Kal tak tha naam aaj lahad ka nishan na tha
شاعر کے بارے میں
افقر موہانی اردو کے ممتاز شاعر تھے جن کا اصل نام سید حسین اور تخلص افقر تھا۔ بعض مستند حوالوں میں ان کا تاریخی نام ظفر وارث بھی ملتا ہے۔ وہ13 جولائ...
مکمل تعارف پڑھیں