اجل نے لوٹ لیا آ کے کاروان حیات — افقر موہانی
شاعر
اجل نے لوٹ لیا آ کے کاروان حیات
اجل نے لوٹ لیا آ کے کاروان حیات
سنا رہا ہوں زمانہ کو داستان حیات
ہزاروں کروٹیں بدلیں زمانہ نے لیکن
اٹھے نہ خواب تغافل سے خفتگان حیات
رہا نہ پیری میں جب کچھ بھی زندگی کا مزہ
سحر کے وقت چلے اٹھ کے مہمان حیات
رہ عدم کی وہ دشواریاں معاذ اللہ
کہ مر کے پہنچے ہیں منزل پہ رہروان حیات
بہار جلوہ گہہ یار تیرا کیا کہنا
عدم سے آئے ہیں ہستی میں طالبان حیات
یہی بلندی و پستی ہے بس زمانہ کی
ہے اک زمین حیات ایک آسمان حیات
کسی طرح بھی تلافیٔ زیست ہو نہ سکی
قضا کے سر پہ رہا خون کشتگان حیات
کھلا نہ غنچۂ دل باغ دہر میں افقرؔ
خزاں نصیب رہا اپنا گلستان حیات
Ajal ne loot liya aa ke karwaan-e-hayaat
Ajal ne loot liya aa ke karwaan-e-hayaat
Suna raha hoon zamana ko daastan-e-hayaat
Hazaron karwatein badleen zamana ne lekin
Uthe na khwab-e-taghaful se khuftagaan-e-hayaat
Raha na peeri mein jab kuchh bhi zindagi ka maza
Sehar ke waqt chale uth ke mehmaan-e-hayaat
Rah-e-adam ki woh dushwariyan ma'az-Allah
Ki mar ke pahunche hain manzil pe rehrawaan-e-hayaat
Bahaar-e-jalwagaah-e-yaar tera kya kehna
Adam se aaye hain hasti mein talibaan-e-hayaat
Yehi bulandi o pasti hai bas zamana ki
Hai ek zameen-e-hayaat ek aasmaan-e-hayaat
Kisi tarah bhi talafi-e-zeest ho na saki
Qaza ke sar pe raha khoon-e-kushtagaan-e-hayaat
Khula na ghuncha-e-dil bagh-e-dehar mein Afqar
Khizaan naseeb raha apna gulistaan-e-hayaat
شاعر کے بارے میں
افقر موہانی اردو کے ممتاز شاعر تھے جن کا اصل نام سید حسین اور تخلص افقر تھا۔ بعض مستند حوالوں میں ان کا تاریخی نام ظفر وارث بھی ملتا ہے۔ وہ13 جولائ...
مکمل تعارف پڑھیں