دل غنی ہے تو مفلسی کیا ہے — افقر موہانی
شاعر
دل غنی ہے تو مفلسی کیا ہے
دل غنی ہے تو مفلسی کیا ہے
گھر میں اللہ کے کمی کیا ہے
اک تلون ہے دو مزاجوں کا
دوستی کیا ہے دشمنی کیا ہے
ضد کی ہے اور بات اے ناصح
ورنہ بات آپ کی بری کیا ہے
حسن ہے بے نیاز جلووں سے
چاند کیا جانے چاندنی کیا ہے
جان کی شرط ہے محبت میں
اتنی سی بات بات ہی کیا ہے
ہر نفس یاد ہے تری اے دوست
اور منشائے بندگی کیا ہے
کیا فرشتے بتائیں گے افقرؔ
ہم سے پوچھو کہ آدمی کیا ہے
Dil ghani hai to muflisi kya hai
Dil ghani hai to muflisi kya hai
Ghar mein Allah ke kami kya hai
Ik talavvun hai do mizaajon ka
Dosti kya hai dushmani kya hai
Zid ki hai aur baat ae naasih
Varna baat aap ki buri kya hai
Husn hai be-niyaaz jalvon se
Chand kya jaane chandni kya hai
Jaan ki shart hai mohabbat mein
Itni si baat baat hi kya hai
Har nafas yaad hai teri ae dost
Aur mansha-e-bandagi kya hai
Kya farishte bataenge Afqar
Hum se poocho ke aadmi kya hai
شاعر کے بارے میں
افقر موہانی اردو کے ممتاز شاعر تھے جن کا اصل نام سید حسین اور تخلص افقر تھا۔ بعض مستند حوالوں میں ان کا تاریخی نام ظفر وارث بھی ملتا ہے۔ وہ13 جولائ...
مکمل تعارف پڑھیں