حرم کہتا ہے کچھ دیر بتاں کچھ اور کہتا ہے — افقر موہانی
شاعر
حرم کہتا ہے کچھ دیر بتاں کچھ اور کہتا ہے
حرم کہتا ہے کچھ دیر بتاں کچھ اور کہتا ہے
طریق منزل وارفتگاں کچھ اور کہتا ہے
ہر اک سے ان کا وحشی داستاں کچھ اور کہتا ہے
نہیں ہوتا جہاں کوئی وہاں کچھ اور کہتا ہے
امیر کارواں کیا ہے خدائے کارواں ہم تھے
مگر اب تو غبار کارواں کچھ اور کہتا ہے
ہر اک جلوہ میں اک پردہ ہر اک پردہ میں اک جلوہ
بہ ہر صورت سحاب درمیاں کچھ اور کہتا ہے
جناب شیخ کے لب پر خدا کا نام آتا ہے
صبوحی کش مگر وقت اذاں کچھ اور کہتا ہے
یہ مانا جنت حسن نظر تھی زندگی اپنی
مگر خمیازۂ عمر رواں کچھ اور کہتا ہے
مری ہستی کا ہر ذرہ ہے گنجائش طلب اب تک
کہ پا کر وسعت کون و مکاں کچھ اور کہتا ہے
قفس میں لاکھ سامان طرب صیاد ہے لیکن
مرا نالہ بہ نام آشیاں کچھ اور کہتا ہے
نہیں ہوتی ہے حجت ختم تنہا آب و دانہ پر
ارے صیاد اسیر بے زباں کچھ اور کہتا ہے
اتاری جا رہی ہیں قیدیوں کی بیڑیاں لیکن
نشان حلقۂ طوق گراں کچھ اور کہتا ہے
عجب الجھن میں ڈالا تو نے او منہ پھیرنے والے
کہ دل کچھ اور کہتا ہے گماں کچھ اور کہتا ہے
مرا ہر ایک سجدہ منتظر ہے قول فیصل کا
جبیں کچھ کہہ رہی ہے آستاں کچھ اور کہتا ہے
کلام میرؔ و مرزاؔ قابل صد ناز ہے افقرؔ
مگر مومنؔ کا انداز بیاں کچھ اور کہتا ہے
Haram kehta hai kuchh der butaan kuchh aur kehta hai
Haram kehta hai kuchh der butaan kuchh aur kehta hai
Tariq-e-manzil-e-waariftagaan kuchh aur kehta hai
Har ek se un ka wahshi daastaan kuchh aur kehta hai
Nahin hota jahaan koi wahan kuchh aur kehta hai
Amir-e-kaarwan kya hai Khudaya-e-kaarwan hum the
Magar ab to ghubar-e-kaarwan kuchh aur kehta hai
Har ek jalwe mein ek parda har ek parde mein ek jalwa
Ba har surat sahab darmiyaan kuchh aur kehta hai
Janab-e-Shaikh ke lab par Khuda ka naam aata hai
Saboohee-kash magar waqt-e-azaan kuchh aur kehta hai
Ye mana jannat-e-husn-e-nazar thi zindagi apni
Magar khamiyaza-e-umr-e-rawan kuchh aur kehta hai
Meri hasti ka har zarra hai gunjaish-e-talab ab tak
Ki pa kar wusat-e-kaun-o-makaan kuchh aur kehta hai
Qafas mein lakh samaan-e-tarab sayyad hai lekin
Mera nala ba naam-e-aashiyan kuchh aur kehta hai
Nahin hoti hai hujjat khatm tanha aab-o-dana par
Are sayyad aseer-e-be-zabaan kuchh aur kehta hai
Utari ja rahi hain qaidiyon ki bediyan lekin
Nishaan-e-halqa-e-tauq-e-giraan kuchh aur kehta hai
Ajab uljhan mein dala tu ne o munh pherne wale
Ki dil kuchh aur kehta hai gumaan kuchh aur kehta hai
Mera har ek sajda muntazir hai qaul-e-faisal ka
Jabeen kuchh keh rahi hai aastaan kuchh aur kehta hai
Kalam-e-Meer o Mirza qaabil-e-sad naaz hai Afqar
Magar Momin ka andaaz-e-bayaan kuchh aur kehta hai
شاعر کے بارے میں
افقر موہانی اردو کے ممتاز شاعر تھے جن کا اصل نام سید حسین اور تخلص افقر تھا۔ بعض مستند حوالوں میں ان کا تاریخی نام ظفر وارث بھی ملتا ہے۔ وہ13 جولائ...
مکمل تعارف پڑھیں