اس کی نہیں خدائی کہ اس کا خدا نہیں — افقر موہانی
شاعر
اس کی نہیں خدائی کہ اس کا خدا نہیں
اس کی نہیں خدائی کہ اس کا خدا نہیں
تم جس کو مل گئے اسے پھر کیا ملا نہیں
سجدہ سے سر اٹھانے کو جی چاہتا نہیں
اب یا تو ہم نہیں در دل دار یا نہیں
اک پیکر خیال کی اللہ رے محویت
میں خود بھی اب نگاہ میں اپنی رہا نہیں
محشر نثار اس نگۂ شرمسار پر
کہنا پڑا خدا سے یہ قاتل مرا نہیں
وہ تنکے جب اٹھائے جلا ڈالے برق نے
گلشن میں آشیاں کبھی اپنا بنا نہیں
حد نگاہ کب تری رفعت کو پا سکے
جلوہ ترا مقید ارض و سما نہیں
درکار ہے نگاہ کرم ورنہ اے کریم
میرے لیے خزانۂ قدرت میں کیا نہیں
نظریں جدا جدا ہیں خیالات مختلف
میری نظر سے کوئی نہیں دیکھتا نہیں
اک وقفۂ حیات ہے دنیا ہے جس کا نام
اتنی سی کائنات کو میں چاہتا نہیں
اس اعتنا کی داد بھی اے بے نیاز خلق
میرا سر نیاز کہیں پر جھکا نہیں
اندازۂ جمال بقدر نگاہ ہے
چشم کلیم جلوہ طراز ادا نہیں
تو ہی بتا کہ جائے کہاں تجھ کو چھوڑ کر
افقرؔ ترا گدا ہے کسی کا گدا نہیں
Is ki nahin Khudai ke is ka Khuda nahin
Is ki nahin Khudai ke is ka Khuda nahin
Tum jis ko mil gaye usay phir kya mila nahin
Sajda se sar uthane ko ji chahta nahin
Ab ya to hum nahin dar-e-dil dil-dar ya nahin
Ek paikar-e-khayal ki Allah re mahviyat
Main khud bhi ab nigah mein apni raha nahin
Mahshar nisaar is nigah-e-sharmsaar par
Kehna pada Khuda se yeh qatil mera nahin
Woh tinke jab uthaye jala daale barq ne
Gulshan mein aashiyan kabhi apna bana nahin
Had-e-nigah kab teri rifat ko pa sakay
Jalwa tera muqayyad-e-arz-o-sama nahin
Darkaar hai nigah-e-karam warna ay Kareem
Mere liye khazana-e-qudrat mein kya nahin
Nazrein juda juda hain khayalat mukhtalif
Meri nazar se koi nahin dekhta nahin
Ek waqfa-e-hayat hai duniya hai jis ka naam
Itni si kainat ko main chahta nahin
Is aitina ki daad bhi ay be-niyaz-e-khalq
Mera sar-e-niyaz kahin par jhuka nahin
Andaza-e-jamaal ba-qadr-e-nigah hai
Chashm-e-Kaleem jalwa-taraz-e-ada nahin
Tu hi bata ke jaye kahan tujh ko chhod kar
Afqar tera gada hai kisi ka gada nahin
شاعر کے بارے میں
افقر موہانی اردو کے ممتاز شاعر تھے جن کا اصل نام سید حسین اور تخلص افقر تھا۔ بعض مستند حوالوں میں ان کا تاریخی نام ظفر وارث بھی ملتا ہے۔ وہ13 جولائ...
مکمل تعارف پڑھیں