خدا ہی جانے کہ ہے یا تہہ مزار نہیں — افقر موہانی
شاعر
خدا ہی جانے کہ ہے یا تہہ مزار نہیں
خدا ہی جانے کہ ہے یا تہہ مزار نہیں
وہ بیقرار جسے مر کے بھی قرار نہیں
نگاہ یار مگر اب بھی شرمسار نہیں
کہ ایک عرض تمنا پہ لاکھ بار نہیں
تجلیوں نے مجھے پہلے کر دیا بے خود
جب آیہ ہوش تو دیکھا جمال یار نہیں
نہ پوچھ میرے دل غمزدہ کا حال نہ پوچھ
یہ وہ چمن ہے جو شرمندۂ بہار نہیں
مٹائے جا مری ہستی مٹائے جا لیکن
رہے خیال زمانہ کا اعتبار نہیں
جبین شوق نہ سجدے میں اتنی کر سبقت
ہر ایک نقش قدم نقش پائے یار نہیں
تمہارے وعدہ کا ہو لاکھ اعتبار مگر
وہ کیا کرے جسے قسمت پہ اعتبار نہیں
کلیم ہوش میں آؤ ملاؤ نظروں کو
یہ موقع ہاتھ پھر آنے کا بار بار نہیں
نہیں جو میرے گناہوں کا کچھ حساب افقرؔ
قسم ہے رحمت حق کا بھی کچھ شمار نہیں
Khuda hi jaane ki hai ya teh-e-mazaar nahin
Khuda hi jaane ki hai ya teh-e-mazaar nahin
Woh be-qarar jise mar ke bhi qaraar nahin
Nigah-e-yaar magar ab bhi sharmsaar nahin
Ki ek arz-e-tamanna pe lakh baar nahin
Tajalliyon ne mujhe pehle kar diya bekhud
Jab aaya hosh to dekha jamaal-e-yaar nahin
Na pooch mere dil-e-ghamzada ka haal na pooch
Ye woh chaman hai jo sharminda-e-bahaar nahin
Mitaye ja meri hasti mitaye ja lekin
Rahe khayal zamana ka aitbaar nahin
Jabeen-e-shauq na sajde mein itni kar sabqat
Har ek naqsh-e-qadam naqsh-e-paa-e-yaar nahin
Tumhare waada ka ho lakh aitbaar magar
Woh kya kare jise qismat pe aitbaar nahin
Kaleem hosh mein aao milao nazron ko
Ye mauqa haath phir aane ka baar baar nahin
Nahin jo mere gunaahon ka kuchh hisab Afqar
Qasam hai rehmat-e-haq ka bhi kuchh shumar nahin
شاعر کے بارے میں
افقر موہانی اردو کے ممتاز شاعر تھے جن کا اصل نام سید حسین اور تخلص افقر تھا۔ بعض مستند حوالوں میں ان کا تاریخی نام ظفر وارث بھی ملتا ہے۔ وہ13 جولائ...
مکمل تعارف پڑھیں