خدائی مجھ کو مل جاتی خدائے دو جہاں ملتا — افقر موہانی
شاعر
خدائی مجھ کو مل جاتی خدائے دو جہاں ملتا
خدائی مجھ کو مل جاتی خدائے دو جہاں ملتا
جو تم ملتے تو گویا حاصل کون و مکاں ملتا
غلام ساقیٔ کوثر ہوں مے کی کیا کمی مجھ کو
نہ ملتا گر یہاں ساغر مرا حصہ وہاں ملتا
اسے کب کوئی پا سکتا اسے کیا دیکھتا کوئی
نظر سے دور دل کی وسعتوں میں جو نہاں ملتا
انہیں کب نیند آئی سنتے سنتے دل کا افسانہ
یہی تھا وقت جب ان کو بھی لطف داستاں ملتا
جلاتی ایک بجلی کیوں کر اتنے آشیانوں کو
چمن کے پتے پتے پر ہمارا آشیاں ملتا
ہمارے سجدۂ بے آستاں کا یہ کرشمہ تھا
نہ ہوتا آستاں جس جا وہاں بھی آستاں ملتا
وہاں دو چار سجدے تم بھی کر لو جا کے اے افقرؔ
پئے سجدہ زمیں سے جس جگہ ہے آسماں ملتا
Khudai mujh ko mil jaati Khudaya-e-do jahaan milta
Khudai mujh ko mil jaati Khudaya-e-do jahaan milta
Jo tum milte to goya hasil-e-kaun-o-makaan milta
Ghulam-e-saqi-e-kausar hoon mai ki kya kami mujh ko
Na milta gar yahaan saghar mera hissa wahaan milta
Use kab koi pa sakta use kya dekhta koi
Nazar se door dil ki wusaton mein jo nihaan milta
Inhein kab neend aayi sunte sunte dil ka afsana
Yehi tha waqt jab un ko bhi lutf-e-dastaan milta
Jalati ek bijli kyoon kar itne aashiyanon ko
Chaman ke patte patte par hamara aashiyan milta
Hamare sajda-e-be-aastana ka ye karishma tha
Na hota aastaan jis ja wahan bhi aastaan milta
Wahan do chaar sajde tum bhi kar lo ja ke ae Afqar
Paye sajda zameen se jis jagah hai aasmaan milta
شاعر کے بارے میں
افقر موہانی اردو کے ممتاز شاعر تھے جن کا اصل نام سید حسین اور تخلص افقر تھا۔ بعض مستند حوالوں میں ان کا تاریخی نام ظفر وارث بھی ملتا ہے۔ وہ13 جولائ...
مکمل تعارف پڑھیں