کچھ عجب یہ بارگاہ عشق کا دستور ہے — افقر موہانی
شاعر
کچھ عجب یہ بارگاہ عشق کا دستور ہے
کچھ عجب یہ بارگاہ عشق کا دستور ہے
جتنا جو مختار ہے اتنا ہی وہ مجبور ہے
موت پر قدرت ہے جینے کا نہیں مقدور ہے
تو ہی درد دل بتا اب کیا تجھے منظور ہے
ہو کے مختار اختیار خیر و شر سے دور ہے
اتنی قدرت پر بھی انساں کس قدر مجبور ہے
کتنا پر حیرت ہے منظر آستان یار کا
دور سے نزدیک تر نزدیک سے پھر دور ہے
لذت ذوق اسیری ہے اسیری کا سبب
ورنہ چاہیں تو قفس سے آشیاں کیا دور ہے
گم ہوا ہوں شوق منزل میں کچھ اس انداز سے
یہ نہیں معلوم منزل مجھ سے کتنی دور ہے
وہ تصور سے نہ جائیں جان جائے یار ہے
مجھ کو یہ بھی بے خودیٔ عشق میں منظور ہے
ایک وہ ہیں جن کی طوفاں میں ہے ساحل پر نظر
ڈوبنے والے کو ساحل سے بھی ساحل دور ہے
کس سے ہو افقرؔ امید چارہ سازی دہر میں
جو بھی اس دنیا میں ہے مجبور ہے مجبور ہے
کچھ عجب یہ بارگاہ عشق کا دستور ہے
جتنا جو مختار ہے اتنا ہی وہ مجبور ہے
Kuchh ajab yeh bargah-e-ishq ka dastoor hai
Kuchh ajab yeh bargah-e-ishq ka dastoor hai
Jitna jo mukhtar hai utna hi woh majboor hai
Maut par qudrat hai jeene ka nahin maqdoor hai
Tu hi dard-e-dil bata ab kya tujhe manzoor hai
Ho ke mukhtar ikhtiyar-e-khair o shar se door hai
Itni qudrat par bhi insaan kis qadar majboor hai
Kitna pur-hairat hai manzar aastan-e-yar ka
Door se nazdeek tar nazdeek se phir door hai
Lazzat-e-zauq-e-aseeri hai aseeri ka sabab
Warna chahein to qafas se ashiyan kya door hai
Gum hua hoon shauq-e-manzil mein kuchh is andaaz se
Yeh nahin maloom manzil mujh se kitni door hai
Woh tasawwur se na jaein jaan jaye yar hai
Mujh ko yeh bhi bekhudi-e-ishq mein manzoor hai
Ek woh hain jin ki toofan mein hai sahil par nazar
Doobne wale ko sahil se bhi sahil door hai
Kis se ho Afqar ummeed-e-chara-sazi dahr mein
Jo bhi is duniya mein hai majboor hai majboor hai
Kuchh ajab yeh bargah-e-ishq ka dastoor hai
Jitna jo mukhtar hai utna hi woh majboor hai
شاعر کے بارے میں
افقر موہانی اردو کے ممتاز شاعر تھے جن کا اصل نام سید حسین اور تخلص افقر تھا۔ بعض مستند حوالوں میں ان کا تاریخی نام ظفر وارث بھی ملتا ہے۔ وہ13 جولائ...
مکمل تعارف پڑھیں