مکاں چھوڑ کر لا مکاں دیکھتے ہیں — افقر موہانی
شاعر
مکاں چھوڑ کر لا مکاں دیکھتے ہیں
مکاں چھوڑ کر لا مکاں دیکھتے ہیں
کہاں وہ ہیں اور ہم کہاں دیکھتے ہیں
تعین کا ہر آستاں دیکھتے ہیں
جہاں تم نہیں ہم وہاں دیکھتے ہیں
اٹھا لیتے ہیں ہم بھی دو چار تنکے
جو بنتے کوئی آشیاں دیکھتے ہیں
قفس میں اسیروں پہ گرتی ہے بجلی
چمن سے جو اٹھتے دھواں دیکھتے ہیں
نہیں دیکھتے کچھ مگر اہل محشر
مجھے یا مری داستاں دیکھتے ہیں
حقیقت میں دیر و حرم ایک ہیں جب
تجھے دونوں کے درمیاں دیکھتے ہیں
یہ آہیں ہیں میری یہ نالے ہیں میرے
جنہیں آسماں آسماں دیکھتے ہیں
در یار ہے پھر در یار افقرؔ
جناں کو بہ حد جناں دیکھتے ہیں
Makaan chhod kar la-makaan dekhte hain
Makaan chhod kar la-makaan dekhte hain
Kahaan woh hain aur hum kahaan dekhte hain
Tayyun ka har aastaan dekhte hain
Jahaan tum nahin hum wahaan dekhte hain
Utha lete hain hum bhi do chaar tinke
Jo bante koi aashiyan dekhte hain
Qafas mein aseeron pe girti hai bijli
Chaman se jo uthte dhuaan dekhte hain
Nahin dekhte kuchh magar ahl-e-mehshar
Mujhe ya meri dastaan dekhte hain
Haqeeqat mein dair o haram ek hi hain jab
Tujhe donon ke darmiyaan dekhte hain
Ye aahein hain meri ye nale hain mere
Jinhein aasmaan aasmaan dekhte hain
Dar-e-yaar hai phir dar-e-yaar Afqar
Janaan ko ba hadd-e-janaan dekhte hain
شاعر کے بارے میں
افقر موہانی اردو کے ممتاز شاعر تھے جن کا اصل نام سید حسین اور تخلص افقر تھا۔ بعض مستند حوالوں میں ان کا تاریخی نام ظفر وارث بھی ملتا ہے۔ وہ13 جولائ...
مکمل تعارف پڑھیں