مری ہستی کا جلووں میں ترے روپوش ہو جانا — افقر موہانی
شاعر
مری ہستی کا جلووں میں ترے روپوش ہو جانا
مری ہستی کا جلووں میں ترے روپوش ہو جانا
یہیں تو ہے بس اک قطرہ کا دریا نوش ہو جانا
تمہیں کیا غم مبارک ہو تمہیں روپوش ہو جانا
ہوا جاتا ہے افسانہ مرا بے ہوش ہو جانا
وہی سمجھے ہیں کچھ کچھ زندگی و موت کا حاصل
جنہیں آتا ہے جیتے جی کفن بر دوش ہو جانا
یہ اچھی ابتدا کی آپ نے اے حضرت موسیٰ
دم دیدار اب لازم ہوا بے ہوش ہو جانا
زمیں کا ذرہ ذرہ آئنہ دار حقیقت ہے
کہیں اپنے ہی جلووں میں نہ تم روپوش ہو جانا
بساط دہر میں غافل بھلا جینے کا حاصل کیا
کہ مرنا بھی جہاں پر ہو وبال دوش ہو جانا
وہ سر زانو پہ ان کے وہ ہوا زلف معنبر کی
ہمیں تو ہوش سے بڑھ کر ہے یوں بے ہوش ہو جانا
نظر آتے ہیں اب جلوے ہی جلوے ہر طرف مجھ کو
دلیل ہوشیاری تھا مرا بے ہوش ہو جانا
وہ اٹھنا جلوہ گاہ ناز کے پردے کا نظروں سے
وہ میرا دیکھتے ہی دیکھتے بے ہوش ہو جانا
کہیں ناکام رہ جائے نہ ذوق جستجو اپنا
عدم سے بھی خیال یار ہم آغوش ہو جانا
گزر جا منزل احساس کی حد سے بھی اے افقرؔ
کمال بے خودی ہے بے نیاز ہوش ہو جانا
Meri hasti ka jalwon mein tere rooposh ho jana
Meri hasti ka jalwon mein tere rooposh ho jana
Yahin to hai bas ik qatra ka darya nosh ho jana
Tumhein kya gham mubarak ho tumhein rooposh ho jana
Hua jata hai afsana mera be-hosh ho jana
Wohi samjhe hain kuchh kuchh zindagi o maut ka hasil
Jinhein aata hai jeete jee kafan bar dosh ho jana
Yeh achhi ibtida ki aap ne aye Hazrat Moosa
Dam-e-deedar ab lazim hua be-hosh ho jana
Zameen ka zarra zarra aaina dar-e-haqeeqat hai
Kahin apne hi jalwon mein na tum rooposh ho jana
Bisaat-e-dahr mein ghaafil bhala jeene ka hasil kya
Ke marna bhi jahan par ho wabaal-e-dosh ho jana
Woh sar zaano pe un ke woh hua zulf-e-ambar ki
Hamein to hosh se badh kar hai yun be-hosh ho jana
Nazar aate hain ab jalwe hi jalwe har taraf mujh ko
Daleel hoshiyari tha mera be-hosh ho jana
Woh uthna jalwa-gah-e-naz ke parde ka nazron se
Woh mera dekhte hi dekhte be-hosh ho jana
Kahin nakaam reh jaye na zauq-e-justajoo apna
Adam se bhi khayal-e-yar hum-aaghosh ho jana
Guzar ja manzil-e-ehsas ki had se bhi aye Afqar
Kamal-e-bekhudi hai be-niyaz hosh ho jana
شاعر کے بارے میں
افقر موہانی اردو کے ممتاز شاعر تھے جن کا اصل نام سید حسین اور تخلص افقر تھا۔ بعض مستند حوالوں میں ان کا تاریخی نام ظفر وارث بھی ملتا ہے۔ وہ13 جولائ...
مکمل تعارف پڑھیں