راز توحید تو کثرت میں چھپا ہے اے دوست — افقر موہانی
شاعر
راز توحید تو کثرت میں چھپا ہے اے دوست
راز توحید تو کثرت میں چھپا ہے اے دوست
سیکڑوں جلوے ہیں اک جلوہ نما ہے اے دوست
اک زمانہ یہاں دیوانہ بنا ہے اے دوست
تیرے کوچے کی ہوا ہوش ربا ہے اے دوست
عشرت حاصل عصیاں میں کہاں وہ لذت
بخدا ترک گنہ میں جو مزا ہے اے دوست
سرمۂ طور ہو یا خاک شفا یا اکسیر
سب سے بڑھ کر تری خاک کف پا ہے اے دوست
کیا کریں جان نہ دے دیں جو محبت والے
ہر ادا حسن کی پیغام قضا ہے اے دوست
تو نے کس ایسی نگاہوں سے ازل میں دیکھا
آج تک خوف سے دل کانپ رہا ہے اے دوست
قائل حشر و قیامت تو سبھی ہیں لیکن
تیرے وعدے کا یقیں کس کو ہوا ہے اے دوست
جانتا کون نہیں عہد وفا کو تیرے
وہ بھی منجملۂ انداز جفا ہے اے دوست
اس زمیں پر کیا کرتے ہیں فرشتے سجدے
تیرے کشتوں کا جہاں خون بہا ہے اے دوست
غم ترے جلووں میں ہو جاتی ہیں نظریں ان کی
دیکھنے والوں سے تیرے یہ سنا ہے اے دوست
تاج خسرو سے غرض اس کو نہ تخت جم سے
افقرؔ خاک نشیں تیرا گدا ہے اے دوست
Raaz-e-tauheed to kasrat mein chhupa hai ae dost
Raaz-e-tauheed to kasrat mein chhupa hai ae dost
Seenkadon jalwe hain ik jalwa-numa hai ae dost
Ik zamana yahan deevana bana hai ae dost
Tere kooche ki hawa hosh-ruba hai ae dost
Ishrat-e-hasil-e-asiyan mein kahan woh lazzat
Ba-khuda tark-e-gunah mein jo maza hai ae dost
Surma-e-Toor ho ya khaak-e-shifa ya ikseer
Sab se badh kar teri khaak-e-kaf-e-pa hai ae dost
Kya karein jaan na de dein jo mohabbat wale
Har ada husn ki paigham-e-qaza hai ae dost
Tu ne kis aisi nigaahon se azal mein dekha
Aaj tak khauf se dil kaanp raha hai ae dost
Qaa'il-e-hashr-o-qayamat to sabhi hain lekin
Tere vaade ka yaqeen kis ko hua hai ae dost
Jaanta kaun nahin ahd-e-wafa ko tere
Woh bhi manjumla-e-andaaz-e-jafa hai ae dost
Is zameen par kya karte hain farishte sajde
Tere kushton ka jahan khoon baha hai ae dost
Gham tere jalwon mein ho jaati hain nazrein un ki
Dekhne walon se tere yeh suna hai ae dost
Taj-e-Khusro se gharaz us ko na takht-e-Jam se
Afqar khaak-nasheen tera gada hai ae dost
شاعر کے بارے میں
افقر موہانی اردو کے ممتاز شاعر تھے جن کا اصل نام سید حسین اور تخلص افقر تھا۔ بعض مستند حوالوں میں ان کا تاریخی نام ظفر وارث بھی ملتا ہے۔ وہ13 جولائ...
مکمل تعارف پڑھیں