سامنے اس بت کے جب جانا پڑا — افقر موہانی
شاعر
سامنے اس بت کے جب جانا پڑا
سامنے اس بت کے جب جانا پڑا
کفر پر ایماں مجھے لانا پڑا
بہر درماں ان کو جب آنا پڑا
درد دل کو اور بڑھ جانا پڑا
پھر بھی کب سمجھا فریب حسن کو
دل کو لاکھوں بار سمجھانا پڑا
جیتے جی دیدار جاناں تھا محال
زندگی میں مجھ کو مر جانا پڑا
کوئے جاناں کوچۂ جاناں تھا پھر
جنت واعظ کو ٹھکرانا پڑا
ہو چکا نذرانہ جب دل حسن کا
پھر جگر کو سامنے لانا پڑا
زندگی میں جب نہ افقرؔ آئے وہ
زندگی کو موت بن جانا پڑا
Saamne us but ke jab jaana pada
Saamne us but ke jab jaana pada
Kufr par imaan mujhe laana pada
Ba har darmaan un ko jab aana pada
Dard-e-dil ko aur badh jaana pada
Phir bhi kab samjha fareb-e-husn ko
Dil ko laakhon baar samjhaana pada
Jeete ji deedar-e-jaanaan tha muhaal
Zindagi mein mujh ko mar jaana pada
Ku-e-jaanaan koocha-e-jaanaan tha phir
Jannat-e-waaiz ko thukraana pada
Ho chuka nazrana jab dil-e-husn ka
Phir jigar ko saamne laana pada
Zindagi mein jab na Afqar aaye woh
Zindagi ko maut ban jaana pada
شاعر کے بارے میں
افقر موہانی اردو کے ممتاز شاعر تھے جن کا اصل نام سید حسین اور تخلص افقر تھا۔ بعض مستند حوالوں میں ان کا تاریخی نام ظفر وارث بھی ملتا ہے۔ وہ13 جولائ...
مکمل تعارف پڑھیں