صبا کو فکر ہے کعبہ نیا بنانے کی — افقر موہانی
شاعر
صبا کو فکر ہے کعبہ نیا بنانے کی
صبا کو فکر ہے کعبہ نیا بنانے کی
کہ جمع کرتی ہے خاک ان کے آستانہ کی
فلک کو ضد ہے نشیمن مرا مٹانے کی
چمن میں دھن ہے مجھے آشیاں بنانے کی
زمیں پہ لالہ و گل سے ہے ابتدائے بیاں
شفق ہے آخری سرخی مرے فسانے کی
اسی سے نکلے گا تعمیر کا بھی اک پہلو
ضرور چاہیے تخریب آشیانے کی
ہزار جلوۂ بے رنگ صد متاع نظر
نہیں ہے حسن کو حاجت نقاب اٹھانے کی
کھلا یہ راز کہ تھیں کس قدر فریب نظر
اجل کے بھیس میں رنگینیاں زمانے کی
اسیرو کر لو نشیمن کا آخری ماتم
قفس میں آئی ہے خاک اڑ کے آشیانے کی
سنی تھی وسعت دنیا کی داستاں ہم نے
مگر ملی نہ جگہ آشیاں بنانے کی
یہ کہہ کے پلٹے ہیں دنیا کے دیکھنے والے
کہ یہ جگہ نہیں واللہ دل لگانے کی
بنا بہار میں اجڑا خزاں میں اے افقرؔ
حقیقت اتنی ہی بس اپنے آشیانے کی
Saba ko fikr hai Kaaba naya banane ki
Saba ko fikr hai Kaaba naya banane ki
Ke jama karti hai khak un ke aastane ki
Falak ko zid hai nashiman mera mitane ki
Chaman mein dhun hai mujhe aashiyan banane ki
Zamin peh lala-o-gul se hai ibtida-e-bayan
Shafaq hai aakhri surkhi mere fasane ki
Isi se nikle ga tameer ka bhi ek pehlu
Zaroor chahiye takhrib aashiyane ki
Hazar jalwa be-rang sad mata-e-nazar
Nahin hai husn ko hajat niqab uthane ki
Khula yeh raaz ke thin kis qadr fareb-e-nazar
Ajal ke bhes mein ranginiyan zamane ki
Aseero kar lo nashiman ka aakhri matam
Qafas mein aai hai khak ud ke aashiyane ki
Suni thi wusat-e-duniya ki dastan hum ne
Magar mili na jagah aashiyan banane ki
Yeh keh ke palte hain duniya ke dekhne wale
Ke yeh jagah nahin wallah dil lagane ki
Bina bahar mein ujda khizan mein ay Afqar
Haqiqat itni hi bas apne aashiyane ki
شاعر کے بارے میں
افقر موہانی اردو کے ممتاز شاعر تھے جن کا اصل نام سید حسین اور تخلص افقر تھا۔ بعض مستند حوالوں میں ان کا تاریخی نام ظفر وارث بھی ملتا ہے۔ وہ13 جولائ...
مکمل تعارف پڑھیں