شراب پی کے بھی مست شراب ہو نہ سکا — افقر موہانی
شاعر
شراب پی کے بھی مست شراب ہو نہ سکا
شراب پی کے بھی مست شراب ہو نہ سکا
ترا خراب محبت خراب ہو نہ سکا
اسی پہ ختم ہیں ناکامیاں زمانہ کی
تری جناب میں جو کامیاب ہو نہ سکا
تری عطا کے تصدق ترے کرم کے نثار
گناہ گار تھا لیکن عذاب ہو نہ سکا
وفور حسن کی وہ شوخیاں معاذ اللہ
شباب تابع عہد شباب ہو نہ سکا
خراب عشق ترا ہو کے ساری دنیا میں
کسی کا بھی دل خانہ خراب ہو نہ سکا
اٹھی نہ عرض تمنا پہ خشمگیں ہو کر
تری نگاہ کا مجھ پر عتاب ہو نہ سکا
ہزار رنگ تھے لیکن تھا ایک ہی جلوہ
کمال حسن کا تیرے جواب ہو نہ سکا
دلیل پستی اوج فلک ہے یہ افقرؔ
کہ خاک بوس در بو تراب ہو نہ سکا
Sharab pee ke bhi mast-e-sharab ho na saka
Sharab pee ke bhi mast-e-sharab ho na saka
Tera kharab-e-mohabbat kharab ho na saka
Isi pe khatm hain nakamiyan zamane ki
Teri janab mein jo kamyab ho na saka
Teri ata ke tasadduq tere karam ke nisaar
Gunahgaar tha lekin azab ho na saka
Wafoor-e-husn ki woh shokhiyan ma'az Allah
Shabab taabe'e ahd-e-shabab ho na saka
Kharab-e-ishq tera ho ke sari duniya mein
Kisi ka bhi dil khana kharab ho na saka
Uthi na arz-e-tamanna pe khashmgeen ho kar
Teri nigah ka mujh par itaab ho na saka
Hazaar rang the lekin tha ek hi jalwa
Kamal-e-husn ka tere jawab ho na saka
Daleel pastii-e-auj-e-falak hai yeh Afqar
Ke khaak-e-bos-e-dar-e-bu-turaab ho na saka
شاعر کے بارے میں
افقر موہانی اردو کے ممتاز شاعر تھے جن کا اصل نام سید حسین اور تخلص افقر تھا۔ بعض مستند حوالوں میں ان کا تاریخی نام ظفر وارث بھی ملتا ہے۔ وہ13 جولائ...
مکمل تعارف پڑھیں