سنی تو اس نے غیروں سے ہوا گو بد گماں ہم سے — افقر موہانی
شاعر
سنی تو اس نے غیروں سے ہوا گو بد گماں ہم سے
سنی تو اس نے غیروں سے ہوا گو بد گماں ہم سے
بہر صورت رہی بہتر ہماری داستاں ہم سے
زباں پر آئے گی کیا پاس ناموس محبت سے
نہیں دہرائی جاتی دل میں اپنی داستاں ہم سے
چنے تھے چار تنکے ایک دن صحن گلستاں میں
رہا تا زندگی برہم مزاج باغباں ہم سے
دہائی ہے غم مجبوریٔ امکاں دہائی ہے
کہ پھرتی ہیں دم رحلت ہماری پتلیاں ہم سے
سبک سر رہ چکے ہیں ہم بھی دنیا میں کبھی لیکن
یہ ذکر اس وقت کا ہے آپ جب تھے سرگراں ہم سے
قفس ہی ہو گیا طول اسیری سے نشیمن جب
نہ چھوٹے آشیاں سے ہم نہ چھوٹا آشیاں ہم سے
زمانہ دوسری کروٹ بدلتا بھی تو کیا ہوتا
بدل جاتی نہ افتاد زمین و آسماں ہم سے
بہار آنے سے پہلے اک پریشاں خواب دیکھا تھا
کہ جیسے فصل گل میں چھٹ رہا ہے آشیاں ہم سے
زمانہ سازیاں قرباں مآل اندیشیاں صدقے
وہ سننے آج بیٹھے ہیں ہماری داستاں ہم سے
مدد اے لذت ذوق اسیری اب یہ حسرت ہے
قفس والے بدل لیتے ہمارا آشیاں ہم سے
تصور میں کھنچا نقشہ ہے ان کے روئے رنگیں کا
بظاہر پردۂ دل میں ہیں افقرؔ وہ نہاں ہم سے
Suni to us ne ghairon se hua go bad-gumaan hum se
Suni to us ne ghairon se hua go bad-gumaan hum se
Ba har surat rahi behtar hamari dastaan hum se
Zabaan par aayegi kya pas-e-namoos-e-mohabbat se
Nahin duhrai jaati dil mein apni dastaan hum se
Chune the chaar tinke ek din sahn-e-gulistaan mein
Raha ta zindagi barham mizaj-e-baghbaan hum se
Duhai hai gham-e-majboori-e-amaan duhai hai
Ki phirti hain dam-e-rihlat hamari putliyaan hum se
Sabuk-sar rah chuke hain hum bhi duniya mein kabhi lekin
Ye zikr us waqt ka hai aap jab the sargiraan hum se
Qafas hi ho gaya tool-e-aseeri se nasheman jab
Na chhute aashiyan se hum na chhoota aashiyan hum se
Zamana doosri karwat badalta bhi to kya hota
Badal jaati na iftad-e-zameen o aasmaan hum se
Bahaar aane se pehle ek pareshan khwab dekha tha
Ki jaise fasl-e-gul mein chhut raha hai aashiyan hum se
Zamana saaziyaan qurbaan maal-andeshyaan sadqe
Woh sunne aaj baithe hain hamari dastaan hum se
Madad ae lazzat-e-zauq-e-aseeri ab ye hasrat hai
Qafas wale badal lete hamara aashiyan hum se
Tasawwur mein khincha naqsha hai un ke roo-e-rangeen ka
Bazahir parda dil mein hain Afqar woh nihaan hum se
شاعر کے بارے میں
افقر موہانی اردو کے ممتاز شاعر تھے جن کا اصل نام سید حسین اور تخلص افقر تھا۔ بعض مستند حوالوں میں ان کا تاریخی نام ظفر وارث بھی ملتا ہے۔ وہ13 جولائ...
مکمل تعارف پڑھیں