ترے حسن نظر کا یہ بھی اک اعجاز ہے ساقی — افقر موہانی
شاعر
ترے حسن نظر کا یہ بھی اک اعجاز ہے ساقی
ترے حسن نظر کا یہ بھی اک اعجاز ہے ساقی
کہ ہر مے کش زمیں پر آسماں پرواز ہے ساقی
خیال اتنا رہے بس اپنے ساغر کی پلانے میں
ترا انجام ہے ساقی مرا آغاز ہے ساقی
کہیں باہم دگر ٹکرا نہ جائیں ساغر و مینا
مئے سرجوش اس دم مائل پرواز ہے ساقی
جبین شوق سجدہ کر کہاں کا پاس رسوائی
خوشا وقتے کہ سرگرم خرام ناز ہے ساقی
ادھر بھی اک نظر او سب کی جانب دیکھنے والے
کہ اک رند خراباتی نظر انداز ہے ساقی
کریں توبہ تو دل بے چین اگر پی لیں تو رسوائی
عجب الجھن میں اپنی مے کشی کا راز ہے ساقی
شراب ارغوانی بھی پیوں میں خود تو پانی ہے
پلائے تو جو پانی بادۂ شیراز ہے ساقی
پس توبہ مجھے پینے میں آخر کیوں تامل ہو
بحمداللہ در توبہ ابھی تک باز ہے ساقی
وہ کیوں جانے لگا دیر و حرم کی ٹھوکریں کھانے
ترے افقرؔ کو تیرے میکدے پر ناز ہے ساقی
Tere husn-e-nazar ka yeh bhi ik aijaz hai Saqi
Tere husn-e-nazar ka yeh bhi ik aijaz hai Saqi
Ke har mai-kash zameen par asman parwaaz hai Saqi
Khayal itna rahe bas apne saghar ki pilane mein
Tera anjaam hai Saqi mera aaghaz hai Saqi
Kahin baham digar takra na jaen saghar o meena
Mai-e-sarjosh is dam mayil-e-parwaaz hai Saqi
Jabeen-e-shauq sajda kar kahan ka paas-e-ruswai
Khusha waqte ki sargarm-e-khiram-e-naaz hai Saqi
Idhar bhi ik nazar o sab ki jaanib dekhne wale
Ke ik rind-e-kharabati nazar-andaaz hai Saqi
Karein tauba to dil bechain agar pee lein to ruswai
Ajab uljhan mein apni mai-kashi ka raaz hai Saqi
Sharab-e-arghawani bhi piyon main khud to pani hai
Pilae tu jo pani baada-e-Shiraz hai Saqi
Pas tauba mujhe peene mein akhir kyun taammul ho
Ba-hamd-Allah dar-e-tauba abhi tak baaz hai Saqi
Woh kyun jaane laga dair o haram ki thokarein khane
Tere Afqar ko tere maikade par naaz hai Saqi
شاعر کے بارے میں
افقر موہانی اردو کے ممتاز شاعر تھے جن کا اصل نام سید حسین اور تخلص افقر تھا۔ بعض مستند حوالوں میں ان کا تاریخی نام ظفر وارث بھی ملتا ہے۔ وہ13 جولائ...
مکمل تعارف پڑھیں